Didier Lemaire
| Dialäkt: Mìlhüüserdiitsch |
Dr Didier Lemaire 
[didje ləmɛʁ](info) (* 23. Jüüli 1975 z’ Àltkìrìch, Owerelsàss) ìsch a frànzeescher Politiker vu dr Pàrtäi Horizons. Sitter 2022 ìsch’r Àbgoordnet’r vum Owerelsàss ìn dr Nàzionààlversàmmlung.
sii Laawa un Kàrriar
ändereDr Didier Lemaire ìsch ànna 1975 z’ Àltkìrìch ìm owerelsassischa Sundgàui uff d’ Walt kumma. Uffgwàcksa-n-ìsch’r ìm Àltkìrcher Viartel Saint-Morand.[1] Mìt 16 Joohra-n-ìsch’r ìn siinera Haimetschtàdt fräiwìlliger Pumpie worra. Ànna 2003 ìsch’r Pumpie vu Berüaf z’ Mìlhüüsa worra, un drnooh z’ Àltkìrìch ànna 2011. Àb 2018 hàt’r àm Rättungszäntrum vu Kolmer gschàfft.[1]
Ànna 2014 ìsch dr Lemaire Gmaindaroot z’ Àltkìrìch worra, wu dr Jean-Luc Reitzer Bìrgermaischter gsìì-n-ìsch. Ìm folgenda Joohr ìsch’r Mìtglìed ìn dr Pàrtäi Union des démocrates et indépendants (UDI) worra. Ànna 2017 ìsch’r zwaiter Schtällvertratter vum Àltkìrcher Bìrgermaischter Nicolas Jander worra; àn dara Schtälla-n-ìsch’r veràntwortlig fìr Schport un Sìcherhait gsìì. Ànna 2020 hàt’r siina Pàrtäi fàraloo, dänn’r ìsch nìt mìt’m Àbkumma mìt Les Républicains z’frìeda gsìì. Ànna 2021 hàt’r sìch àn dr Pàrtäi Horizons vum ehamààliga Premierminìschter Édouard Philippe ààgschlossa.[1][2] Ìm gliicha Joohr ìsch’r äärschter Schtällvertratter vum Bìrgermaischter worra.[3] Dr Lemaire ìsch àui Vìzavorsìtzender vum Kommünààlverbànd Sundgàui gsìì.[1]
Àn dr Pàrlàmantswàhl vu Jüüni 2022 ìsch dr Lemaire àls Àbgoordnet’r vum 3. Wàhlkrais vum Owerelsàss (Àltkìrìch–Sää-Louis) gwählt worra, fìrs Pàrtäibìndniss Ensemble. Àm äärschta Wàhlgàng ìsch’r mìt 19,66 Prozant vu da Schtìmma-n-àm zwaita Plàtz ànakumma, grààd hìnter àm Christian Zimmermann (RN), wo 20,38 Prozant vu da Schtìmma bikumma hàt. Àm zwaita Wàhlgàng hàt’r àwwer dr Zimmermann gschlààga, mìt 53,88 Prozant vu da Schtìmma.[4] Fìr ìn dr Nàzionààlversàmmlung sìtza hàt’r siina Amt àls Gmaindaroot un Vìzavorsìtzender vum Sundgàuijer Kommünààlverbànd müassa fàraloo.[1]
Dr Didier Lemaire ìsch mìt’ra Krànkaschwaschter verhiirootet un hàt zwai Kìnder.[2] Ar labt noch z’ Àltkìrìch.[5]
Weblìnks
ändere- Dr Didier Lemaire ìn dr Àbgoordneta-Dàtabànk vu dr Nàzionààlversàmmlung (frànzeesch)
Ainzelnoohwiisa
ändere- ↑ 1,0 1,1 1,2 1,3 1,4 Grégory Lobjoie: Législatives 2022 : Didier Lemaire, tourné « vers les autres ». In: L’Alsace. 20. Juni 2022, abgruefen am 29. Juni 2022 (französisch).
- ↑ 2,0 2,1 Résultats Législatives 2022 en Alsace : Pompier et héros d’un match de foot… Qui est le député Didier Lemaire ? In: 20 Minutes. 21. Juni 2022, abgruefen am 29. Juni 2022 (französisch).
- ↑ Grégory Lobjoie: Altkirch : en conseil municipal, Isabelle Pi et le maire donnent leur version de la brouille. In: Dernières Nouvelles d’Alsace. 17. November 2021, abgruefen am 29. Juni 2022 (französisch).
- ↑ Elections législatives 2022 : Haut-Rhin (68) - 3ème circonscription. In: www.resultats-elections.interieur.gouv.fr. Frànzeesch Ìnnaminìschterium, abgruefen am 29. Juni 2022 (französisch).
- ↑ Grégory Lobjoie: Circonscription Altkirch/Saint-Louis : Didier Lemaire, pour Horizons. In: L’Alsace. 7. Juni 2022, abgruefen am 29. Juni 2022 (französisch).