«Les Précieuses ridicules» vom Molière

Date vom Drama
Hoochdütsche Ditel: Die lächerlichen Preziösen
Originalditel: Les Précieuses ridicules
Gattig: Komödie
Originalsprooch: Franzöösisch
Autor: Molière
Erschiinigsjoor: 1659
Uruffüerig: 18. Novämber 1659
Ort und Zit vo dr Handlig: Bariis im 17. Joorhundert
Persone
  • La Grange, e Freiherr
  • Du Croisy, e Freiherr
  • Gorgibus, e guete Bürger
  • Magdelon, d Dochder vom Gorgibus, e lächerligi Preziöse
  • Cathos, d Niässe vom Gorgibus, e lächerligi Preziöse
  • Marotte, e Dienere vo de lächerlige Preziöse
  • Almanzor, e Diener vo de lächerlige Preziöse
  • Le Marquis de Mascarille, dr Diener vom La Grange
  • Le Vicomte de Jodelet, dr Diener vom Du Croisy
  • Zwei Sänftedrääger
  • Noochbere
  • Giigespiiler

Die lächerlige Preziöse (Originaltitel: Les Précieuses ridicules, hoochdütsch Die lächerlichen Preziösen) isch e Komödie in äim Akt vom Molière, wo am 18. Novämber 1659 im Théâtre du Petit-Boubon urufgfüert worde isch. Es isch grad noch em Stück Cinna vom Pierre Corneille zäigt worde. Es het am köönigliche Hoof und in de Bariiser Theater groosse Erfolg ghaa.

Dr Inhalt ändere

 
Szene 9. Gravur vom Moreau le Jeune.

Dr Gorgibus will si Dochder Magdelon und si Niässe Cathos ändlig verhüroote. Die bäide wäi aber eso lääbe, wie s in de galante Romään beschriibe wird. Dr Gorgibus verstoot nid, wo si im daas wäi erklääre und säit frustriert: "Quel diable de jargon entends-je ici? Voici bien du haut style."[1] (dütsch: "Teufel auch, was für ein eigenes Gerede soll denn das sein? Ist wohl der hohe Stil.") Die erste zwäi Vereerer wärde abgwiise, wil si sofort e Hürootsaadraag gmacht häi. D Cathos erkläärt iirem Unggle: "Je treuve le marriage une chose tout à fait choquante. Comment est-ce qu'on peut souffrir la pensée de coucher contre un homme vraiment nu?"[2] (dütsch: "Ich finde den Ehestand eine ganz und gar anstößige Sache. Wie kann man den Gedanken ertragen, Seite an Seite mit einem völlig nackten Mann zu schlafen?") Die bäide Freiherre, wo abgwiise worde si, verchläide iiri Diener as extravaganti Aadligi. Si dräije dr Spiess im ene Verwäggsligsspiil um und mache die "pecques provinciales"[3] (dütsch: "dumme Gäns us dr Browinz") lächerlig. Dr Gorgibus isch ganz verruckt wägen em Erger und de Usgoobe, won er wäge dr Magdelon und dr Cathos ghaa het und wünscht, ass die ganzi romaneski Litratuur zum Düüfel gieng.


Weblingg ändere

Fuessnoote ändere

  1. Les précieuses ridicules, Szene 4.
  2. Les précieuses ridicules, Szene 4.
  3. Les précieuses ridicules, Szene 1.
  Dä Artikel basiert uff ere fräie Übersetzig vum Artikel „Die_lächerlichen_Preziösen“ vu de dütsche Wikipedia. E Liste vu de Autore un Versione isch do z finde.