Dieter Salomon
| Dialäkt: Friburgerisch (eltere Stadtdialekt) |
De Dieter Salomon (* 9. Augschte 1960 z Melbourne, Auschtralie) isch e ditsche Bolitiker (Bindnis 90/Di Griene). Er isch vo d 1. Juli. 2002 bis 2018 Owerburgermeischter vu de Stadt Friburg im Brisgau gsi. Devor isch er 1992 Mitglid vum Landdag vu Bade-Wirtteberg un ab 2000 Fraktionsvorsitzer gsii.
Lewe
ändereDe Großvater vum Dieter Salomon isch mit siner dritte Frau un sine acht Kinder uf Auschtralie uusgwanderet. Eis vu dene Kinder isch sini Mueter gsi, wu dert sine Vater kenneglehrt het. Der isch vu Hesse gsii un isch mit eme Dachdeckerunternehme au uf Auschtralie kumme un het speter als Schaffner bi de Stroßebahn un bi VW gschafft.[1]
Wu de Dieter Salomon drei Johr alt gsii isch, isch d Familie wider uf Misse im Allgäu zoge.[1] Anne 1968 hän sich d Eltere drennt, de Dieter Salomon un sini drei Johr jingeri Schweschter sin bi dr Mueter ufgwachse.[1] Si Abitur het de Salomon anne 1979 am Gertrud-von-le-Fort-Gymnasium z Oberschtdorf gmacht. Ab 1981 het er an de Universität Friburg Bolitikwisseschaft, Finanzwisseschaft un Romanischi Philologi studiert un het anne 1987 mit em Magister Artium abgschlosse. 1991 isch er im Fach Bolitikwisseschaft mit ere Arwet zum Demokrativerständnis vu de Griene zum Dr. phil. promoviert: Grüne Theorie und graue Wirklichkeit: die Grünen und die Basisdemokratie. Er lebt vun siner zweite Frau Helen Hall-Salomon drennt un het e Dochter us siner erschte Eh.[2][3]
Bolitik
ändereSit 1980 isch de Salomon Mitglid vu de Griene un isch bim Friburger Kreisverband in verschidene Funktione aktiv gsii. Vu 1990 bis 2000 isch de Salomon Stadtrot z Friburg gsii un sit 1992 Abgordnete fir de Wahlkreis Friburg II im Landdag vu Bade-Wirtteberg. Ab April 2000 isch er Vorsitzer vu de griene Landdagsfraktion un Spitzekandidat im Wahlkampf gsii.
Im Johr 2002 het de Salomon bi de Friburger Owerburgermeischterwahl kandidiert. Im zweite Wahlgang am 5. Mai 2002 isch er mit 64,4 Prozent vu de Stimme fir e Amtszitt vu acht Johr zum erschte griene Owerburgermeischter vun ere ditsche Großstadt gwehlt wore. Bi de Owerburgermeischterwahl am 25. April 2010 isch de Salomon im erschte Wahlgang mit 50,5 Prozent vu de Stimme fir nomol acht Johr in sinem Amt bstetigt wore.
Sitt 2002 isch de Salomon Mitglid vum Presidium vum Ditsche Städtedag, sitt 2004 ghert er em World Executive Committee vum „International Council of Local Environmental Initiatives“ (ICLEI) aa. Sitt 2008 isch er Vorsitzer vum kommunale Arwetgeberverband (KAV) Bade-Wirtteberg.[4] Anne 2011 isch de Salomon als Noofolger vum Ivo Gönner zum Sprecher vu de Großstädt un dodemit zum Vize-President vum Städtetag Bade-Wirtteberg gwehlt wore.[5]
Bi de Owerburgermaischterwahl am 22. April 2018 het er mit 31,3 % im erschte Wahlgang 3,4 Prozentpinkt weniger Stimme kriegt wie sy Rusforderer Martin Horn.[6] Im zweete Wahlgang am 6. Mai 2018, ere Neiwahl mit vier Kandidate, isch de Salomon wider em parteilose Horn unterlege, wu ihn zum 1. Juli 2018 as neier Owerburgermaischter vu de Stadt Friburg im Brisgau ablest.[7] No am Wahloowe het de Salomon gegeiwer de Badische Zittigg erklert,[8] ass er no 16 Johr an de Spitz vu de Stadt in de Ruestand goht.
Schrifte
ändere- Grüne Theorie und graue Wirklichkeit. Die GRÜNEN und die Basisdemokratie. Arnold-Bergstraesser-Institut (ABI). Zugleich: Freiburg (Breisgau), Univ., Diss., 1991. Freiburg im Breisgau: ABI, 1992, 337 S., ISBN 3-928597-03-5 (Freiburger Schriften zur Politikwissenschaft; 4)
- Winfried Thaa, Dieter Salomon, Gerhard Gräber [Hrsg.]: Grüne an der Macht. Widerstände und Chancen grün-alternativer Regierungsbeteiligungen. Köln: Bund-Verlag 1994, 212 S., ISBN 3-7663-2521-3
Weblink
ändere
Commons: Dieter Salomon – Sammlig vo MultimediadateieFueßnote
ändere- ↑ 1,0 1,1 1,2 Gerhard M. Kirk: Freiburg: OB-Wahl: Dieter Salomon gewährt Einblicke ins Fotoalbum, Badische Zeitung' vum 31. März 2010
- ↑ [1]
- ↑ Lewenslauf uf de Homepage vu de Stadt Friburg Archivlink (Memento vom 18. Mai 2012 im Internet Archive)
- ↑ Lewenslauf uf de Homepage vu de Stadt Friburg Archivlink (Memento vom 18. Mai 2012 im Internet Archive)
- ↑ http://www.baden-wuerttemberg.de/sixcms/detail.php?id=244448 (Site cha nüme abgrüeft wärde; Suche im Webarchiv)
- ↑ Rüdiger Soldt: Oberbürgermeister Salomon unterliegt in erster Wahlrunde. Frankfurter Allgemeine vum 23. April 2018.
- ↑ Schwäbische Zeitung: Martin Horn ist neuer Oberbürgermeister von Freiburg. In: Schwäbische. (schwaebische.de [abgerufen am 6. Mai 2018]).
- ↑ Interview Badische Zeitung vum 6. Mai 2018 |{https://www.youtube.com/watch?v=jOS3o7kY8-o}
| Vorgänger Rolf Böhme |
Owerburgermeischter vu Friburg im Brisgau 2002-2018 |
Nochfolger |
|
Dä Artikel basiert uff ere fräie Übersetzig vu dere Version vum Artikel „Dieter_Salomon“ vu de dütsche Wikipedia. E Liste vu de Autore un Versione isch do z finde. |