Diskussion:Massiv (Rapper)
ken enzyklopädische Stil, bitte WP:WSIGA und de:WP:WSIGA aluege --Dr Umschattig red mit mir 20:00, 2. Aug. 2007 (CEST)
jo s'problem esch ech cha ke Alemannisch...was mossi jetzt mache? de bytrag übere massiv isch wichtig für einigi unter uns... - hamakarin
du bisch doch Schwiizer, oder? Also redisch Schwiizerdütsch? Schwiizerdütsch isch Alemannisch. Es goot mir au weniger um dr Dialäkt, sondern me um dr Stil vom Artikel. Es wär guet, wenn de no es bizz neutraler schriibe kenntsch, wenn de versuechsch, en bizz bessere Uffbau in Artikel z'kriege (wär isch dr Massiv, was hett er gmacht, wie sini Verbindige) und Wiiderholige z'vermiide. E bizz weniger Strossesproch sondern e halbwägs wisseschaftligi Sproch wär au ganz guet --Dr Umschattig red mit mir 20:06, 2. Aug. 2007 (CEST) PS. Lueg doch moll, wie's uff dr dütsche Wikipedia stoot (de:Massiv (Rapper) und versuech dich a däm z'orientiere. Nid eifach übersetze! Eigeni Arbete sin wärtvoll. Und übrigens: Mit däm Bild, wo uffeglade hesch, stimmt öppis nid, de darfsch nid eifach uss em Internet es Bildli nee, wenn du nid alli Urheberrächt a däm Bild hesch. Susch mien mrs lösche. Du kasch aber z.B. das vo dr dütsche Wikipedia ne --Dr Umschattig red mit mir 20:09, 2. Aug. 2007 (CEST)
nix schwiizer, ond ech cha mi ned a die regle halte, förs schwizzerdütsch gits ke duden, und ke besonderi schribwies, also ned das ech wösst, vo mer us cha der artikel glöscht werde. mersi för d'ufmerksamkeit, das lohni mer doch ned lo gfalle piqka li ti materina, und han en quelle agäh hets aber ned gspicheret äuä wegem böud -hamakarin
eg be e de gliche meinig we deh hamakarin!! Es get kei Duden vör Schwitzerdütsch!! MER REDE OND SCHRIBE WE MER WEND!!! ond lönd die site en rui die esch perfekt! OND ÖBRINGENS ESCH NÜT KOPIERT, DAS HA EG NOME DO CHÖNE LÄSE OND SCHÖSCH NIENE! SEND SEHR WECHTIG INFORMATIONE DRONDER!!
Ich han au nie d'Rächtschriibig, sondern dr Schribstil kritisiert. Dä isch nid enzyklopädisch. Und Stil isch nid Rächtschrybig. Und wenn ihr do inne schriibe wänd, händ ihr euch a gwüssi Regle z'halte. Do inne wärde nur folgsami voll krassi Gangstas you man! gutiert ;) --Dr Umschattig red mit mir 23:27, 2. Aug. 2007 (CEST)
Ey wenn es Problem met dere Site hesch ond nome wotsch omemotze musch gar nömme do druf cho!! Es verstönd aui Schwizer eusi schribwies! Gruss Al Massiva
So ihr liebe Lüt: Ich has aständig probiert, jetzt halt anders: Äntwäder ihr haltet euch an die Regle do inne (v.a. Wikipedia:Profil und schriibed aständigi Artikel und ladet kei Bilder me uffe, wo d' Urheberrächt vom Massiv und sinem Fotograf verletze. Als Administrator do inne isch es mini Uffgoob, zluege, dass unseri Qualitätsaforderige bi allne neue Artikel ighalte wärde. Wenn nötig chan ich, wenni wott, mit 2-3 Klicks eure Artikel au eifach lösche und drfür sorge, dass es au ken neue meh git. Ich bitt euch also nomoll drumm, eure Artikel über de Massiv in e enzyklopädischi Form z'bringe. Alles andere wird über kurz oder lang glöscht. Wie scho moll gseit, lueged de:Massiv (Rapper) a, do gsehnder, wie'n en einigermasse aständige Artikel über ihn usgsee sott. So öppis ähnligs isch au do inne erforderlig. Gassesproch wird nit toleriert. --Dr Umschattig red mit mir 13:38, 3. Aug. 2007 (CEST)
Erklär mer was a dem "stil" vo dem Arteku ned guet esch!!! Das send mehreri Informatione zämegfasst wo schösch niene of einer site fensch, mater
- Dr Artikel i dem Zuestand isch ned Wikipedia konform, sprich vum Ussehe her (Layout), vur Neutralität. Normalerwiis mueme nid vu Hand e horizontali Linie (----) setzte, will mes wegem Ussehe nid macht. Lueg dir mal anderi Artikel (z.B. dr dytschi) ah, und tuens nach dere Vorbilder mache ;-). --Petar Marjanovic 15:07, 4. Aug. 2007 (CEST)
De Stil esch ähndlech we be de dütsche Site do send anderi ou e dere Meinig!!
- mir aber nid, er isch klar nid enzyklopädisch: D'Infos sin nid noch Zämmehang g'ordnet (z.B. bi de Albe) und au nid noch Priorität, es isch eifachi Umgangssproch... > es isch es Gschichtli über dr Massiv, wie-drs emene Kolleg verzelle wurdet, aber en ken Enzyklopädie-Artikel (zum Begriff Enzyklopädie lueg do de:Enzyklopädie. Lueged, mir könne jetzt lang drüber stritte, wie guet eure Artikel isch und am Schluss lösch ich (oder en andere Admin) en trotzdäm, wills halt nid längt, oder ihr könnet euch die Rotschleeg z'Härze nee und dr Artikel in e qualitativ bodeständigi Form bringe und er blibt dinn. Das sin d'Optione --Dr Umschattig red mit mir 18:41, 4. Aug. 2007 (CEST)
- Umstrukturiert, unneutrali Sache (Sache, wo dr Massiv guet machet weggnoh), irrelevanti (uninteressanti) Sache ussegnah und wikifiziert. I hoff liebe Gascht, dass du nöchscht mol lieber dr Regle zur Gestaltig vude Syte etc. ahluegsch, bevor du üüs da ahpuffsch. Du vergissisch, dass mier da Mitglieder sind und eigentlich en Tugg meh Ahnig über d'Artikeldarstellig haa sötten. Mier wend niemert hindere, Artikel z'erstelle und helfet gern - aber wenn sich dann eine - wie du - nid recht benimmt (schreie, anderi Meinige nid ahlose) und keis Ihsehe hett, müemer halt agressiv duregriife. Gruess, --Petar Marjanovic 19:30, 4. Aug. 2007 (CEST)
Es isch au mini meinig das ali wo da mitschriibä wänd sich at reglä haltä söttäd. Zu jedem artikel über e person oder sis schaffe ghört eigentli au ä kritik und das sägi nöd numä will ich liäbär Punk han. Gruäss --Eluveitie
Beginne eine Diskussion über Massiv (Rapper)
Diskussionsseiten sind Orte, an denen Leute darüber diskutieren, wie man den Inhalt von Wikipedia so gut wie möglich gestalten kann. Du kannst diese Seite benutzen, um eine Diskussion mit anderen zu beginnen, wie Massiv (Rapper) verbessert werden kann.
