Diskussion:Rheinwald (Begriffsklärung)

Landschaft im Elsass

Gemäss Wikipedia:Regionale Artikel#Fr.C3.A0nkrich sölls au e Landschaft im Elsass ge, wo eso haisst. Wer waiss do me dezue? Gruess --Schofför (Diskussion) 21:18, 17. Okt. 2014 (MESZ)

Sàlut, Schofför! Diss trifft si jo jetz! Wo-i diss gràd erscht ingsetzt hàb! Àwwr ich bén letz gsin, ich hàb öi dr Fluss selbsch ingsetzt ghet, àwwr dr Rhin - so wichtij`r öi ésch fr`s Elsàss - ésch ken elsassisch Speziàlität! - Un so ésch`r nàdirli schun én der Rübrik fr gànz Allemànnie. Un so muesst dr Rhinwàld wohl öi wenigschtens fr Elsàss un Bade gelte.

Jedefalls saat mr ém Elsàss wirkli Rhinwàld fr dr Wàld àm Strom, dr Äuewàld ém Iwwrschwemmungsbreich vum Rhin - ém Gejesàtz zuem Illwàld ém Ried (àwwr numme dr zsàmmehängend Wàld bi Schlettstàdt) odr`m Hàrdtwàld uff`m Trockene bi Melhüüse odr`m Höienöir Wàld ém Norde àm Iwwrgàng zue`m Nordelsass (de Wäldr én dr Plaine d´Alsace) odr de Wäldr ém Gebiri uff de Vogese (un nàdirli öi gejeiwwr dr (uf`m) Schwàrzwàld). (Üss däm Grund hàw-i`s öi én dr Lischt hàn welle, wil`s e wichtigi Làndschàftsinheit ésch - newwe d´àndri, gànz elsassischi...) Uff frànzeesch redd mr öi eso: la forêt du rhin odr les forêts du rhin odr öi la forêt rhénane ( - diss ésch sogar noch e bissele greessr un steh meh noch àls de àndri nit numme àls e geogràphisch Kategorie sondern öi e ökologisch). Èm Prinzip ésch`s öi klàr, àss`s dr Wàld gànz uem dr Fluss ésch uff beidi Site - àwwr nàdirli denke de meischt Lit zeerscht emol àn`s Stickele, wo fr se àm nächschte ésch.

Dr korrekt hochditsch Begriff dodefir war wohl „Auenwald (odr -wälder) am Oberrhein“ - àwwr nàdirli kànnsch ém Prinzip noch meh dr Fluss làng...--Stephele (Diskussion) 23:39, 17. Okt. 2014 (MESZ)

Danke för die rasch Antwort. Auenwälder am Oberrhein als Artikel hani i kainere Wikipedia gfunde - mer wäred also di erste, wo so en Artikel hetted. Gruess --Schofför (Diskussion) 17:50, 20. Okt. 2014 (MESZ)