Hauptmenü ufmache

D Dorothea Wehinger (* 21. Jänner 1963 z Semmerenga) isch e dytschi Bolitikeri (Bindnis 90/Di Griene) un syt 2016 Mitglid vum Landdag vu Bade-Wirttebärg.

Inhaltsverzeichnis

LebenBearbeite

D Wehinger isch mit sibe Gschwischter ufgwachse. E Schweschter zuen ere isch d Gerlinde Kretschmann, d Frau vum bade-wirttebärgische Minischterbresidät Winfried Kretschmann. Si isch z Loez uf d Volksschuel gange un derno uf di Hecher Handelssschuel z Semmerenga, wu si di Mittler Ryfi gmacht het. No dr Schuel het si z Semmerenga Apedekehälferi glehrt un derno im Landeschrankehuus Semmerenga gschafft. Anne 1975 het si an dr Fachschuel fir Sozialpedagogik z Fryburg en Abschluss as Erzieheri gmacht. Vu 1975 bis 1977 het si z Enzkofa e Chinderschuel glaitet, vu 1977 bis 1979 het si as Erzieheri in eme Jugedzäntrum z Lübeck gschafft. Anne 1979 isch si uf Singe gange un het dert bis 1983 as Jugedreferänti vum kadolische Jugedbiro gschafft. Vu 1983 bis 1991 isch si in Elterezyt gsii. Im Singemer Stadtdail Friedinge het si vu 1993 bis 2002 as Laiteri vu dr Chinderschuel gschafft un ab 2003 het si freiberuefli Furtbildige fir Bscheftigti an Chinderdagesstette aabote.

D Wehinger isch ghyrote un het drei Sihn.

BolitikBearbeite

Vu 2004 bis 2009 un wider syt 2014 isch d Wehinger Mitglid vum Chraisdag vum Landchras Konschtanz. Syter anne 2014 isch si derzue Gmairreti z Steißlingen.

Bi dr Landdagswahl 2016 het si s Erschtmandat im Wahlchrais Singe gwunne.

Im Landdag isch si stellverdrättendi Vorsitzeri im Uusschuss fir Europa un Internationals un Mitglid im Uusschuss fir Sozials un Integration. Stellverdrättend Mitglid isch si im Uusschuss fir Finanze, im Uusschuss fir Kultus, Juged un Sport, im Uusschuss fir Wisseschaft, Forschig un Chunscht, im Uusschuss fir Umwält, Klima un Energywirtschaft, im Uusschuss fir Ländlige Ruum un Verbruucherschutz un im Uusschuss fir Verchehr.

Sunschtigs EngaschmäntBearbeite

  • Ehrenamtligi Richteri bim Verwaltigsgricht Fryburg
  • Mitglid im Stiftigsrot vu dr „Stiftung Entwicklungszusammenarbeit Baden-Württemberg“
  • Mitglid im Stiftigsrot vu dr Landesstiftig „Familie in Not“
  • Mitglid vum Vorstand un Sängeri vum Madrigalchor Alu Singen
  • Mitglid bim Bund für Umwelt- und Naturschutz e. V.
  • Mitglid bim Naturschutzbund
  • Mitglid im Chinderschutzbund

WeblinkBearbeite