Drache ide griechische Mythologi

Drache spiile in de griechische Mythologi e Roll.

Ladon

De Ladon isch e dracheähnlichi Beschtie gsi wu dr Herakles uff Volange vun Eurystheus het solle umbringe. Er isch de hundartkepfig Drache, wu d Gärte vo dr Hesperide bewacht. Er wird entwäder als Nochkumme vum Phorkys oder em Typhon un de Echidna gnennt. S wird gsait, dass sinni Kepf mit viili voschideni Sproche un Schtimm hen kinne spreche.

Python

De Python isch de Drache, wu s Orakel vun Delphi bewacht. Er isch e Kind vun de Gaia unem Schlomm, wu ibrigbliebe isch, wo d Deukalionischi Fluet s Goldeni Zytalter beendet ghet het. Er isch vum Apollon umbrocht worre, wo Delphi zum beriemteschte Orakel vo Griecheland gmacht het. D Prieschterinne vum Tempel, wu d Zuekumft vorhergsait hen, hen noch de Schlang Pythie gheisse.

Sunschtigi

Ondri dracheähnlichi Beschtie sin d Hydra mit de immer Kepf, wu immer nochgwachse sin, un ondri schlongeartigi Gschepf gsi. Im Allgmeine sin d Drache fyr d Bewachung vum Schätz wie s Goldeni Fliess odr de Baim vun de Hesperide uftrette. D Muetter vun allene Beschtie soll d Echidna gsi si, wil se mitem Titan Typhon e Beziehung ghet het, wu u. a. de Kerberos, de Orthrus, d Sphinx un de Ladon drus entschprunge sin.