EHC Bülach

De EHC Bülach isch en Iishockeyverein z Bülach. Er spiilt in dr 1. Liga (Ost).

Gschicht

Dr EHC Bülach isch 1942 gründet worde und het am Aafang im ene Wald in dr Nööchi vom Stedtli gspiilt. Spööter isch er ins Sportzentrum Hirsle züüglet. E baar bekannti Spiiler stamme us em Noochwuggs vom EHC Bülach, z. B. dr Reto Pavoni, d Chlote-Legände Felix Hollenstein oder dr Severin Blindenbacher. In dr Sesong 2009/10 isch d Mannschaft bis in Viertelfinal cho, wo si gege dr EHC Winterthur verloore het. In dr Sesong 2011/12 isch si bis ins Playoff-Final cho, und het au dört gege dr EHC Winterthur verloore.

I de Sesong 2013/14 isch d Florence Schelling, Gooli vo de Schwizer Fraue-Hockey-Nati, im Gool vo de 1. Mannschaft gstande.

S Stadion

Dr Veräin spiilt sini Häimspiil im Sportzentrum Hirsle, wo hüte (2011) bis zu 3'100 Zueschauer Blatz häi. Dr Zueschauerrekord bim ene Häimspiil vom EHC Bülach isch 3'400, won er gege d ZSC Lions gspiilt het.

Weblink

• D Website vom EHC Bülach