Heregääggi

Heregääggi (Garrulus glandarius)

Systematik

Ordnig:	Spatzevögel (Passeriformes)
Underordnig:	Singvögel (Passeri)
Familie:	Raabevögel (Corvidae)
Gattig:	Garrulus
Art:	Heregääggi

Wüsseschaftlige Name

Garrulus glandarius

(Linnaeus, 1758)

De Heregäägggi oder d Herevogel (Garullus glandarius; alemanischi Näme) isch e Raubvogel, wo dor s ganz Joor döre i Mitteleuropa bliibt. I de Alpe chunnt er bis zu 2400 müM vor.

Uussie

De Heregääggi isch e rootbruune Vogel mit eme lange Schwanz. Sini Flögel sind dunklebruu mit wiisse und uuffälig blau-schwarz gstraifflete Federe. Sin obere Hals isch wiiss. Mandli und Wiibli gsiend gliich uus.

Lebeswiis

De Heregääggi lebt versteckt i Laub- und Mischwälder, aber au i Pärk und Obstgärte. Sis groossi Nest bau er uf Bömm oder i Büsch. Er lebt vo Insekte und raubt Nester vo Singvögel uus. Er mag aber au Söömli und Frücht. Abem Augste fangt er aa Haselnüss, Buechenüssli und bsunders Aichle sammle und vergrabt die a verschdnige Stele. Wel er im Winter aber nöd all fresst, fönd d Aichle im Früelig a sprüüsse. De Schrai vom Heregäägi isch ener e Chräächze, doch isch er au guet im Nochemache vo anderne Vogelstimme.

Büecher

Heinz Staffelbach: Handbuch Schweizer Alpen; Bern 2008.ISBN 978-3-258-06895-4
Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
Urs N. Glutz von Blotzheim, Kurt M. Bauer: Handbuch der Vögel Mitteleuropas (HBV). Band 13/III, Passeriformes (4. Teil): Corvidae – Sturnidae, Aula-Verlag, ISBN 3-923527-00-4
András Keve: Der Eichelhäher, Die Neue Brehm-Bücherei, A. Ziemsen, Wittenberg 1974, (Neuauflage der Ausgabe von 1985: ISBN 3-89432-211-X)
Derek Goodwin: Some aspects of the behaviour of the Jay. Ibis 93, 1951, 414–442 und 602–625, ISSN 0019-1019
D. Goodwin: A comparative study of the voices and some aspects of behaviour in two Old-World-Jays. Behaviour 4, 1952, 293–316.
V. Bejćek, I. Gorban in W. J. M. Hagemeijer, M. J. Blair: The EBCC Atlas of European Breeding Birds – their distribution and abundance, T & A D Poyser, London 1997, ISBN 0-85661-091-7, S. 670-671

Weblink

Commons: Garrulus glandarius – Sammlig vo Multimediadateie

Video, Foto und Tonufnahme zue Garrulus glandarius in dr Internet Bird Collection
Garrulus glandarius in dr Rote Lischt vu dr gfehrdete Arten vu dr IUCN 2006. Yygstellt vu: BirdLife International, 2004. Abgruefe am 12. Mai 2006
de Heregäägi bi de Schwiizerische Vogelwarte