Yshailigi

Di Yshailige sind noch de Buureregle drai Tääg, wo Mitti Mai nomol chalts Wetter bringet. Da sind de:

• 12. Mai: Pankraz, e Märtyrer
• 13. Mai: Servaz, e Bischof vo Tongere
• 14. Mai: Bonifaz, en andere Märtyrer

Regetaag gits nöd nu a de nass Soffi

Zo de drai Iishailige gsellt sich no di nass Soffi em 15. Maie. I de noo Gegende sait mer ihre au Chalti Soffi. Mängmol gilt de 11. Mai mit em Gedänktaag an Bischof Mamertus au as Iishailige.

Noch de Buureregle gelt, ass me bis zo de Iishailige no mit Frost rechne mue, drum wered au vo Gärtner empfindlichi Pflanze nöd vor Mitti Maie ugschützt is Fraiji gsetzt. A de nass Soffi sölls denn no de ganz Taag bisle. Deno söll s Wetter schnell haiss were.

Di Iishailige sind ono hütt zimli bikannt und s gitt vili Sprüch, drunder natüürli o asigi, wo nöd ase ernst gmaint sind:

Schwiiz

• A Bonifaz ist guet Bohne stecke.
• Bangraz, Servaz und Bonifaz sin di drei Winderhelde.
• De Pankraazi, de Serfaazi und de Bonifaazi sind drai frostigi Baazi, un denn chunnt no die nass Soffi.
• Wenn s am Servazi und Pankrazi rëgnet, so mues 's Blust abe und wenn s mit Tröte abunde wär.
• As gitt füüf Iishailigi: Pankraz, Servaz, Bonifaz, Obrvaz und Undrvaz.

Elsass

Wenn's in's Bluest rëgnet an P., se gheie d Bire abe, un wenn se mit Drötle abunge were.

Weblink

• Bonifazius, Schw. Id., Bd. IV, Sp. 1317
• Pankratius, Schw. Id., Bd. IV, Sp. 1391
• Servatius, Schw. Id., Bd. VII, Sp. 1296f.
• Pankraz, Els. Wb., Bd. 2, Sp. 64a