Elsassisch Museum (Stroßburri)
| Dialäkt: Mìlhüüserisch |
S elsassischa Museum vu Stroßburri ìsch a Volkstum-Museum. S Lawa ìm Elsàss ìn da XVIII. un XIX. Johrhundert wìrd do zeigt, dur Tràchta, Meewel, Täpfa, Spìelzig, Bìlder, Stuwa un Àtelier wo nohgmàcht worra sìn.
S elsassischa Museum hàt aui, zitter'm Ààfàng, a großa Sàmmlung wo-n-ìhm d „Société d’Histoire des Israélites d’Alsace et de Lorraine“ (Gschìchtverein vu da Israelita vum Elsàss un vu Lothrìnga) gaa hàt. So kààt ma s kültürella Erbgüet vu da elsassischa Juda entdecka.
Dàs Museum befìndet sìch nawa dr Ìll, gràd gejeiwwr vum Àlt Zoll, ìn mehreri Geböie, wo zu da „monuments historiques“ gheere, àn dr Àdrass 23-25, Niklausstade (Quai Saint-Nicolas), diräkt uem`s Eckle vum Raweplàtz.
Gschìcht
ändereS Museum ìsch àm 3. Novamber 1902 grìnda worra, bim Notàr Alfred Ritleng z'Stroßburri. Bi da Grìnder sìn dr Pierre Bucher, dr Ferdinand un dr Léon Dollinger, dr Anselme Laugel, dr Gustave Stoskopf, dr Fritz Kiener, dr Archeologue Robert Forrer un dr Alfred Kassel gsìì. Dr Kìnschtler Charles Spindler – wo bim Notàr nìt derbi gsìì ìsch – hàt aui mìtgmàcht: ar hàt d Wàsserfàrb-Gmälta vum Büech „Costumes et coutumes d’Alsace“ gaa, un hàt derfer a Gschaftsààteil vum Museum bikumma. Dia Bìlder sìn d erschta Giater vum züekìnftiga Museum gsìì. Dr Goerges Ritleng ìsch Ehrapräsidant vum Museum worra.
S Museum hàt àm 11. Mai 1907 ufgmàcht.
Wahrend'm erschta Waltkriag hàt d ditscha Regiarung s Museum züegmàcht, wial 's züe vìel fer s Frànkrìch igstellt gsìì ìsch.
Ànna 1917 hàt d Stàdt Stroßburri s Museum àbkàuift. Zwei Gebäi nawadràà sìn aui kàuift worra, s Museum hàt sìch vergreeßert, ìm Ràhma vu da Stàdtmuseum vu Stroßburri.
Zwìscha 1969 un 1985 hàt dr Verwàlter Georges Klein Üstellunga ìwer verschìedena Thema ufbàuia. Ar hàt d Entwìcklung vum Museum ìn da zwei Gebäi nawadràà gfiahrt un nèia Saal ufgstellt.
Zwei Saal ìm drìtta Stock sìn làng ìm Wark vum Pàschtor un Pädagoge Jean-Frédéric Oberlin (1740–1826) gwìdmet gsìì. Wo, ànna 2003, s Museum Jean-Frédéric Oberlin z'Waldersbach ufgmàcht hàt, ìsch dia Sàmmlung därt ànakumma.
Noh da Faschter vum 100. Geburstàg ànna 2007, ìsch s Museum renowiart worra, fer ìn d Sìcherheitsnorma ààpàssa. S Museum hàt àm 15. Oktower 2008 wìder ufgmàcht.
Sàmmlunga
ändereS Museum düet momentàn mehr às 5000 Àrtìkel üsstella.
-
-
Druckter Stoff un tràditionella Täpfa -
Ehmàlig Yuppala
Referanz
ändere- (fr) (de) (en) Le Musée alsacien à Strasbourg/Das Elsässische Museum in Strassburg/The Alsatian Museum at Strasbourg (zu Ehr ìm Adolphe Riff, fer si 80. Geburtstàg, Text vum Georges Klein), Regiarung vu da städtliga Museum, Strossburri, 1970, 48 Sitta.
- Les collections juives du Museée alsacien, Strossburri 2013, ISBN 978-2-35125-106-5.
Externa Links
ändere
Commons: Musée alsacien – Sammlig vo Multimediadateie