Empfangsgeböid

Empfangsgeböide, Empfangshalle, Stazioonsgeböid oder äänlig si Geböid bi Iirichdige vom Persoonevercheer, wo für innerbetriibligi Ufgoobe brucht wärde, z. B. wo die Reisende duuregönge zum zu iirem Terminal oder Perrong z choo, zum iir Gepäck ufzgee oder dur e Zollkontrolle z goo. Es git sä bi dr Iisebaan, im Luftvercheer, in dr Schifffaart, bim Autibusvercheer und bi Säilbaane.

Züri HB

Dr alt Baanhoof vo Strossburg.

Fluughaafe Stuegert, Terminal 1

s Haafegeböi vo Chostez (s wiss Huus, derhinder di früenerig Post

Arte vo Empfangshalle

Bahnhööf

In Stazioonsgeböid cha s usser Iirichdige für die Räisende wie Restorant, Kiosk, Billetschalter oder -automaate usw. au Woonrüüm für Iisebäänler haa. In Gränzbaanhööf wo s Basskontrolle git, het s Rüüm für Zollkontrolle. Bi Baanhööf in gröössere Stedt isch vilmol s Stazioongeböid mit eme Iichaufszentrum verbunde.

Wäge dr Razionalisierig vom Iisebaanbetriib si vilerorts d Stazioonsgeböid zuedoo worde, wenn s nid Personaal brucht für diwärsi Ufgoobe. Mänggisch het s nume no Wartehalle oder e Laade.

In dr Umgangssprooch säit me em Stazioonsgebüid vilmol Bahnhof, was nid richdig isch. E Baanhoof umfasst alli Aalage wo für e Betriib nöötig si wie Glöis, Perrong, Betriibsgeböid, Laagerhüüser usw.

Flughääfe

Für Empfangsgeböid in Flughääfe brucht mä hüfig dr Anglizismus Terminal, uf dütsch häisse si Abflug- und Aakumftshalle. In de Terminal het s meereri Beriich: wo diw Räisende aachömme und wo si abfliege, wo si iitschegge und duuregönge, zum zu de Flüügzüüg z choo. E Flughaafe cha mee as äi Terminal ha, wo vilmol underirdisch mit enander verbunde mit rollende Drottwar, für zum s Umstiige z erliichtere.

Hääfe und Schiffstazioone

In Hochseehääfe, aber au an schiffbaare Flüss und See cha s Empfangsgebäid für d Passaschier gee. Si wärde äänlig wie Baanhööf betriibe. Wil mit gröössere Schiff Duusigi vo Passaschier gliichzitig chönne aachoo, si d Empfangsgeböid in sonige Hääfe mänggisch seer grooss.

Liddratuur

• Mihály Kubinszky: Bahnhöfe Europas. Ihre Geschichte, Kunst und Technik. Franckh’sche Verlagshandlung, Stuttgart 1969
• Jörg Koch: Deutsche Bahnhöfe in historischen Ansichten. transpress Verlag, Stuttgart 2021, ISBN 978-3-613-71623-0.

Dä Artikel basiert uff ere fräie Übersetzig vum Artikel „Empfangsgebäude“ vu de dütsche Wikipedia. E Liste vu de Autore un Versione isch do z finde.