Enzüklopädii vu dr modärna Ukràina

D’ Enzüklopädii vu dr modärna Ukràina (ukràinisch Енциклопедія сучасної України/Enzyklopedija sutschasnoji Ukrajiny (ESU), anglisch Encyclopedia of Modern Ukraine) ìsch a Enzüklopädii uff Ukràinisch, wo vum Kiewer Ìnschtitüüt fìr enzüklopäädischa Forschung vu dr Nàzionààla Àkàdemii vu da Wìssaschàfta vu dr Ukràina veräffentligt wìrd. Ìm Läxikon sìnn Àrtìkel ìwwer d’ Ukràina vum 20. un 21. Joohrhundert z’ fìnda. D’ maischta Àuitoora sìnn Wìssaschàftler.

Bander vu dr Enzüklopädii vu dr modärna Ukràina

Dialäkt: Mìlhüüserdiitsch

Àm Ààfàng sìnn 30 Bander fìr dia Enzüklopädii geplàànt gsìì. Bis hìtt sìnn 24 Bander bis zem Büaschschtààb O ärschììna. D’ Àrtìkel befàssa-n-àlla Laawesb’raicha vu dr Ukràina: Gschìcht, Kültüür, Kunscht un Lìteràtüür, Wìssaschàft, Geogràfii, Nàtüür, s’ politischa Syschteem, d’ ukràinischa Wìrtschàft un Ìndüschtrii so wia Schport un Jugendkültüür. D’ ESU ìsch àui a wìchtiga Kwalla fìr Biogràfii, dänn s’ ukràinischa "Wär ìsch wär?" wìrd zitter 2007 nìmm veräffentligt.

S’ Läxikon wìrd zitter 2001 veräffentligt. Wänn’s fartig wìrd sìì, wìrd’s mehr àss 100.000 Àrtìkel mìt äbba 80.000 Àbbildunga un Fàrbzaichnunga hàà. Bis zu doo sìnn 10.000 Exemplààra vu jeedem Bànd gedruckt worra.

Weblìnks

 Commons: Enzüklopädii vu dr modärna Ukràina – Sammlig vo Multimediadateie

• d’ Online-Üssgààb vu dr Enzüklopädii vu dr modärna Ukràina (ukràinisch)

Dä Artikel basiert uff ere fräie Übersetzig vu dere Version vum Artikel „Enzyklopädie_der_modernen_Ukraine“ vu de hochdütsche Wikipedia. E Liste vu de Autore un Versione isch do z finde.