Eugen Stadelmann

Dr Eugen Stadelmann (* 1. Februar 1919 z Hard, Vorarlberg; † 15. Dezämber 1998 ebe dert) isch e eschtrychische Lehrer, Schueldiräkter un Haimetdichter gsii.

Lääbe

Dr Eugen Stadelmann isch uf d Lehrerbildigsaastalt (LBA) z Fealdkirch gange un het anne 1939 sy Matura gmacht. Im Zweete Wältchrieg isch er as Soldat yyzoge wore, noch em Chrieg het er ab 1946 an sym Geburtsort Hard as Volksschuellehrer gschafft. Anne 1959 isch er, aafangs provisorisch, zum Diräkter vu dr Volksschuel Hard (Knabenvolksschule Hard, speter Volksschule Hard-Markt) bstellt wore, wun er bis zue syre Pänsionierig 1984 vorgstande isch. Syter 1955 het er Gedicht im alemannische Harder Dialäkt verfasst un au volksdimligi Bydreg zur Orts- un Chilchegschicht vu Hard. Derzue het er si in verschidene Verain engaschiert.

Är isch ghyrote gsii un het mit syre Frau Germana geb. Gunz zwo Dechtere ghaa.

Uuszaichnge

• 1980 Ehrering vu dr Märtgmai Hard

Uusgläseni Wärch

• Gedicht im Vorarlberger Volkskalender
• Mir Hardar. Mundartgedichte. Eigenverlag der Marktgemeinde, Hard 1980.
• Hard am Bodensee in alten Ansichten. Europ. Bibliothek, Zaltbommel 1985.
• Hard. Bilder aus vergangenen Tagen. Lustenau o. J.

Literatur

• Armin Kloser: Eugen Stadelmann – 70 Jahre. In: Harder Dorfzeitung. Nr. 2. 1989. S. 5.
• Ein verdienter Schulmann nahm Abschied. In: Hard heute. September 1984. S. 3.
• Ansprache des Bürgermeisters Gerhard Köhlmeier zur Ehrenringverleihung. In: Hard heute. Dezember 1980. S. 7–8.

Dä Artikel basiert uff ere fräie Übersetzig vu dere Version vum Artikel „Eugen_Stadelmann“ vu de dütsche Wikipedia. E Liste vu de Autore un Versione isch do z finde.