S Exarchat vo Karthago

S Exarchat vo Karthago isch näben em Exarchat vo Ravenna en oströmischs Vizeköönigdum gsi. Dr oströmisch Kaiser Maurikios (582–602) het s gründet und sim Regänt, em Exarch witgehendi zivili und milidäärischi Freiheit gee, für dass er d Gfoore vo uswärts besser chönn bekämpfe. Bis denn si in dr spootantike römische Brovinzialverwaltig sit öbbe 300 Joor die zivile und die milidäärische Kompetänze zwüschen em Pretorianerprefekt und em magister militum ufdäilt gsi.

D Eroberige vom Justinian I. (in orangsch) und die offensivi Ussebolitik vo sine Noochfolger häi d Ressursse vom oströmische Riich überforderet. D Gründig vo de Exarchat in Africa und Italie isch d Reakzioon gsi druf und het sich e Joorhundert lang bewäärt.

S Exarchat vo Karthago isch sit 590 e Bastioon vo dr byzantinische Macht im westlige Middelmeerruum gsi, bis es 698 vo de Araber vernichdet worde isch. Mit em Fall vo Karthago häi sich d Araber in de Baleare, Sardinie und Sizilie chönne iiniste und drizää Joor spööter Schbanie chönne aagriffe. S Christedum isch in Nordafrika vollständig usglöscht und dur e Islam ersetzt worde.

Liddratuur

• J. Ferluga: Exarch/Exarchat. In: Lexikon des Mittelalters. Band 4, Spalte 454f.
• Michael Brett, Fentress, Elizabeth: The Berbers. Blackwell Publishing 1996, ISBN 0631207678
• John Bagnell Bury: History of the Later Roman Empire Vols. I & II. Macmillan & Co., Ltd. 1923
• Averil Cameron: Vandal and Byzantine North Africa. In: Late Antiquity: Empire and Successors A.D. 425-600, The Cambridge Ancient History Vol. XIV, S. 552-569, Cambridge University Press 2000, ISBN 0521325919
• Averil Cameron: Byzantine Africa: The Literary Evidence. In: University of Michigan Excavations at Carthage, Vol. VII, S. 29-62, University of Michigan Press 1982
• Yves Moderan: Les Maures et l'Afrique romaine, IV-VII siècle 2003
• Denys Pringle: The Defence of Byzantine Africa from Justinian to the Arab Conquest: An Account of the Military History and Archaeology of the African Provinces in the Sixth and Seventh Century. Oxford: British Archaeological Reports 1981, ISBN 0860541193
• Francisco Aguado - El Africa Bizantina|2.03 MiB (2,04 MB)
• Hilario Gómez - Ciudades del Africa Romano Bizantina|1.16 MiB (1,17 MB)
• Susan Raven: Rome in Africa. Routledge 1993, ISBN 0415081505
• Andy H. Merrills (Hrsg.): Vandals, Romans and Berbers. New Perspectives on Late Antique North Africa. Aldershot 2004.

Dä Artikel basiert uff ere fräie Übersetzig vum Artikel „Exarchat_von_Karthago“ vu de dütsche Wikipedia. E Liste vu de Autore un Versione isch do z finde.