Fédération Aéronautique Internationale
Die Internazionali Aeronautischi Veräinigung oder französisch Fédération Aéronautique Internationale, abkürzt FAI, isch dr internazionali Luftsportverband. Si isch am 14. Oktober 1905 z Bariis gründet worde und het sit 1999 z Lausanne iire Sitz. D FAI isch en internazionali nitstaatligi Organisazioon, wo käni kommerzielle Zwäck het. D Veräinigung organisiert und koordiniert Aktiwidääte in de Beriich vo dr Luftfaart und dr Ruumfaart uf dr ganze Wält. In dr FAI si hüte Luftsportverbänd us öbbe 100 Nazione verdräte, u. a. dr Deutsche Aero-Club, dr Österreichische Aeroclub und dr Aero-Club der Schweiz.
Weblingg
ändere
|
Dä Artikel basiert uff ere fräie Übersetzig vum Artikel „Fédération_Aéronautique_Internationale“ vu de dütsche Wikipedia. E Liste vu de Autore un Versione isch do z finde. |