Felix I.

Dr Felix I. (* z Rom; † 30. Dezämber 274 ebedert) isch am 5. Jänner 269 zum Bischof vu Rom gwehlt wore, churz nodäm sy Vorgänger Dionysius am 26. Dezämber 268 gstorben isch. Sy Name maint dr „dr Glickli“.

Fresko (Phantasydarstellig) in dr Sixtinische Kapäll

S git nume wenig authentischi Quällen zue sym Episkopat. Mer schrybt ihm zue, dass er in dr jehrlige Mässe an dr Greeber vu dr Märtyrer dr chlilchli Sääge gee het, ere Dradizion, wu scho lang bflägt woren isch. Au s Gsetz zue dr Yysäägnig vu Chilche wird uf ihn zruckgfiert. Är soll sich stark fir Chrischte, wu vum Chaiser Aurelian verfolgt wore sin, yygsetzt haa, wäge däm wird er au as Märtyrer gfiert, wahrschyns zue Uurächt.

E Fragmänt in eme Brief an dr Maximus, dr Bischof vu Alexandria, wu sich fir d Doktrin vu dr Dreifaltigkait uusspricht, stammt villeicht vum Felix, drei anderi Briefe wären ihm aber wohl zue Uurächt zuegschribe.

Dr Felix isch am 30. Dezämber 274 gstorben un in dr Calixtus-Katakomb byygsetzt wore. Sy Gedänkdag isch dr 30. Dezämber.

Literatur

• Adolf Jülicher: Felix 18. In: Paulys Realencyclopädie der classischen Altertumswissenschaft (RE). Band VI,2, Stuttgart 1909, Sp. 2168.
• Friedrich Wilhelm Bautz: Felix I. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 9.
• Ytrag in d Catholic Encyclopedia, Robert Appleton Company, New York 1913 (änglisch)

Weblink

 Commons: Felix I. – Sammlig vo Multimediadateie

• Gsamtwärch vu Migne Patrologia Latina mit Inhaltsverzaichnis

Vorgänger Dionysius

Bischof vu Rom Dr Titel Papscht isch anne 384 zum erschte Mol brucht wore. ca. 269–274

Nochfolger Eutychianus

Dä Artikel basiert uff ere fräie Übersetzig vu dere Version vum Artikel „Felix_I.“ vu de dütsche Wikipedia. E Liste vu de Autore un Versione isch do z finde.