Fennoskandinavie

Fennoskandinavie, au Fennoskandie oder Fennoskandia gnännt, isch en Uusdruck fir di nordeuropäisch Halbinsle, wu si us Finnland (Fenno-), dr Skandinavische Halbinsle (-scandia), Karelien un de Halbinsle Kola zämmesetzt. In regionalgeologischem Kontext wird des Biet, mit Uusnahm vum nordweschtlige (kaledonische) Dail vum Skandinavische Gebirge, al Fennoskandische Schild oder au Baltische Schild gnännt.

Fennoskandinavie (Charte)

Dr finnisch Geolog Wilhelm Ramsay het dä Uusdruck 1898 (no andere Quälle erscht 1900) yygfiert un het die Abgränzig vum Biet mit syre geologisch-geografische Ainhait begrindet. Gmaint isch d Halbdinsle, wu dur Nord- un Oschtsee un dur d Linie „Finnische Meerbuese – Ladogasee – Onegasee – Wyss Meer“ vom ibrigen europäische Feschtland abgränzt isch.

Literatur

• Hans Hausen: The History of Geology and Mineralogy in Finland 1828–1918. Helsinki 1968
• Olaf Holtedahl: Geology of Norway. Oslo 1960
• Wilhelm Ramsay: Fennoskandias ålder. In: Fennia. 40. 1917, Nr. 4, S. 1–21

Weblink

• Geological Map of the Fennoscandian Shield
• Matti Seppälä, The Physical Geography of Fennoscandia

Dä Artikel basiert uff ere fräie Übersetzig vu dere Version vum Artikel „Fennoskandinavien“ vu de dütsche Wikipedia. E Liste vu de Autore un Versione isch do z finde.