E Flüssikäit isch Materie im flüssige Aggregatzuestand. Noch ere makroskopische Definizion handlet es sich um e Stoff, wo bin ere Formänderig fast käi Widerstand läistet, aber bin ere Wolumeänderig e seer groosse, d. h. der Stoff isch fast inkompressibel). Noch ere mikroskopische Definizion isch e Flüssikäit e Stoff, wo d Däili von em sich die ganz Zit nitperiodisch bewege und kä Färnornig kenne aber e Noochornig und wo die middleri freiji Wäglengi in dr Gröössenornig vom Durchmässer vom ene Däili isch.

Däilimodäll von ere Flüssikäit

Flüssikäiten bhalte also iir Wolume aber nid iiri Form und d Däili füere die ganz Zit e Brownschi Beweegig us. Dr flüssig Zuestand isch nit numme stoffspezifisch, sondern hängt au vo üssere Faktore wie dr Tämpratur und em Druck ab. Wenn e Flüssikäit iire Aggregatzuestand anderet, so reedet mä von ere Faasenumwandlig. Dr Begriff vo dr Faase isch en Überbegriff zum Aggregatzuestand.

Mit de Gaas wärde d Flüssikäite zu de Fluid zämmegfasst.

Litratuur ändere

  • J. P. Hansen, I. R. Mcdonald: Theory of simple Liquids. Elsevier Academic Press, 2006, ISBN 978-0-12-370535-8
  • M. P. Allen, D.J. Tildesly: Computer Simulation of Liquids. Oxford University Press, 1989, ISBN 0-19-855645-4

Weblingg ändere

  Commons: Flüssikäit – Sammlig vo Multimediadateie


  Dä Artikel basiert uff ere fräie Übersetzig vu dere Version vum Artikel „Flüssigkeit“ vu de dütsche Wikipedia. E Liste vu de Autore un Versione isch do z finde.