Hauptmenü ufmache
Florence Arthaud (2009)

D Florence Arthaud (* 28. Oktower 1957 z Boulogne-Billancourt; † 9. März 2015 z Villa Castelli, Provinz La Rioja, Àrgentinia) ìsch a frànzeescha Seglera gsìì. Ìm Frànkrìch ìsch sa „la petite fiancée de l'Atlantique“ gnennt gsìì.

Inhaltsverzeichnis

LaweslàuifBearbeite

Sa ìsch d Tochter vum Jacques Arthaud, Dirakter vum „Arthaud“ Verlàg, gsìì. Sa hàt s Segla mìt ìhrem junga Brüeder Jean-Marie wahrend ìhra Feria z Antibes glehrt. Ànna 1974, mìt 17 Johr àlt, ìsch sa ìn'ma Auto-Unfàll schwar verletzt worra; dur dàs ìsch sa làhm worra un ìm Koma glànda. Noh sechs Moneta ìm Spitàl, wo sa sìch erholt hàt, hàt sa ìhra Lawa àns Segla wälla wìdma, wàs sa mìt Erfolg gmàcht hàt.[1]

Sa ìsch àm 9. März 2015 gstorwa, wahrend em Dreiha vu dr Sandung „Dropped“ ìn Àrgentinia, ìn'ma Unfall wo zwei Helikopter ànànder zammagfloga sìn. Ìn dam Unfàll sìn zeh Persona gstorwa un bi dana sìn noch zwei àndra frànzeescha Sportler gsìì: d Camille Muffat un dr Alexis Vastine.[2]

Sportlischa KàrriarBearbeite

Mìt 18 Johr àlt ìsch sa s erschta Mol mìt em Jean-Claude Parisis dur dr Atlàntik gsegelt.

Ànna 1978 ìsch d Segelregatta „La route du Rhum“ grìnda worra; sa hàt do mìtgmàcht un sa ìsch àm 11. Plàtz ààkumma. Àn dr „Route du Rhum“ vu 1986 hàt sa d Regatta verlo fer dr Loïc Caradec versüecha z retta; leider hàt sa àwer numma noch si Schìff gfunda.

Àm 18. Novamber 1990 hàt sa uf ìhrem Trimaran „Pierre 1.“ d Segelregatta „La route du Rhum“ gwunna.'s ìsch s erschta Mol àss dàs Priis vu-n'ra Fràui gwunna worra ìsch.[3]

Ànna 1997 hàt sa d „Transpacific Yacht Race“ mìt em Bruno Peyron gwunna. S gliicha Johr hàt sa aui àn dr „Solitaire du Figaro“ teilgnumma. Bi da Litt wo ìn Regatta mìt'ra gsegelt han sìn aui dr Jean Le Cam, dr Philippe Poupon, dr Lionel Péan, dr Luc Poupon, d Alexia Barrier...

Ànna 2010 hàt a àn ìhra Kàrriar Schluss gmàcht, wial sa fer d Regatta „La route du Rhum“ vu sallem Johr kè Sponsor gfunda ghàà hàt.

PrivàtlawaBearbeite

Ànna 1993 hàt sa mìt em Loïc Lingois a Kìnd bikumma: a Maidla gnennt Marie. Ànna 2005 hàt sa dr Eric Charpentier ghirota, àwer dia Ehe hàt nìt làng düürt.

Àm 29. Oktower 2011 ìsch sa z Nàcht, ìn dr Neecha vum Cap Corse, vu ìhrem Schìff dràbghèit. Mìt ìhrem Händi hàt sa ìhra Müeter känna ààrüefa un gretta wara.

WarkBearbeite

Ànna 1990 hàt d mìt em frànzeescha Sanger Pierre Bachelet s Liad Flo gsunga un a Album veräffentligt.

Sa hàt aui mehrera Biacher gschrìewa:

  • Fiancée de l'Atlantique, Éditions du Pen-Duick, 1982
  • L'Océane, Flammarion/ Arthaud, 2008
  • Un vent de liberté, Flammarion/ Arthaud, 2009

ReferanzBearbeite