Forschigsinstitut für biologische Landbau
S Forschigsinstitut für biologische Landbau (FiBL) isch en Organisazioon für d Forschig zu allne Frooge vom biologische Puure.
S Institut isch anne 1973 z Oberwil gründet worden, und es isch sit 1997 z Frick im Kanton Aargau dihei. Es schaffe meh weder hundertfüfzg Lüüt döört. S Gält für d Forschig chunt teils vom Bundesamt für Landwirtschaft und vom Bundesamt für Umwält, Wald und Landschaft, teils no vo andere Stelle vo dr Schwiizer Bundesverwaltig, und de au vo de Kantöön, vo Gmeinde, vo Coop, vo Bio suisse und anderne Gältgäber.
S FiBL tuet de Puure, wo natuurnooch schaffe, im Gsprööch und mit spezielle Forschigsprojäkt hälfe. Es het für sini Arbet au Kontakt zu äänlichen Organisazioone im Ussland, bsunders mit em FiBL Düütschland und em FiBL Öschtrych.
Es het au mit Agroscope z tue.