Dr François Bayrou (* 25. Mai 1951 z Bordères bi Pau, Département Pyrénées-Atlantiques) ìsch a frànzeescher Politiker. Ar ìsch zitter 2007 dr Präsidant vu dr Pàrtei MoDem „Demokràtischa Bewegung“ un zitter Àwril 2014 dr Maire vu Pau (Pyrénées-Atlantiques). Ar ìsch àn mehrera frànzeescha Präsidantschàftswàhla Kàndidàt gsìì: ànna 2002, ànna 2007 un ànna 2012.

François Bayrou, 2009
Dialäkt: Mìlhüüserisch

Harkunft un Jugend ändere

Dr François Bayrou ìsch dr Suhn vum Calixte Bayrou (1909-1974), a Büür, un vu dr Emma Sarthou (1918-2009). Sina Àhna stàmma àlla üs em Bearn, üsser sina Großmüeter uf dr sitta vu sinera Müeter: dia Großmüeter, d Amélie Dorgan, hàt a irischa Harkunft un ìsch verwàndt mìt em irischa Dìchter Theo Dorgan.

Mìt em Àlter vu 6/7 Johr hàt dr François Bayrou a Schwirigkeit ìm Reda bikumma: ar hàt sìch làng müeßa ààstranga fer nìt stottra.

Ar hàt klàssischa Literàtür àn dr Universität vu Bordeaux III gstudiart un ar hàt ànna 1974 d Agrégation ìn dam Bereich bstànda.

Kurz speeter ìsch si Vàter gstorwa; noh dam hàt'r gliichzittig àls Lehrer gschàfft un ìm Büürahoff vu sinera Müeter ghulfa.[1]

Politischa Kàrriar ändere

Ìm März 1982 ìsch'r ìns Generàlrot vu da Pyrénées-Atlantiques kumma. Viar Johr speeter ìsch'r UDF-Àbgeordneter vu da Pyrénées-Atlantiques worra.

Àm 29. März 1993 ìsch'r Minischter fer nàtionàla Bìldung in dr Regiarung vum Édouard Balladur worra. Ar hàt a Reform vum Falloux-Gsetz vorgschlàga, wo a greeßera finànziarung vu dr privàta Schüel dur s lokàla Gebìet (wia s Generàlrot, zum Beispeil). Dàs Projakt ìsch vum Volk schlacht empfànga worra, wia-n-a Drohung fer d äffentliga Schüel, vìel Litt han dergega demonstriart, un as ìsch schliaßlig nìt ààgnumma worra. Speeter hàt'r àndra Reforma ìwer Schüel un Studia mìt mehr Erfolg gfiahrt. Ar ìsch ìn dam Minischteràmt bis ànna 1997 tätig gsìì.

Ìn dr Präsidantschàftwàhl vu 1995 hàt dr François Bayrou dr Édouard Balladur, wo dernoh verlora hàt, unterstìtzt. Trotzdam ìsch'r Minischter fer nàtionàla Bìldung blìewa, ìn dr Regiarung vum Alain Juppé, wo dr Jacques Chirac Präsidant worra ìsch.

Vu 1999 bis 2002 ìsch dr François Bayrou Europaàbgeordneter gsìì. Ar ìsch derfìr, àss Europa a wìchtig Rolla dat spìela.[2]

Àm 10. Mai 2007, noh dr Präsidantschàftwàhl, hàt'r a nèia Pàrtei grìnda, wo sìch ìn dr Mìttla (vu da verschìedena Rachts- oder Lìnks-orientiarta Bewegunga) befìndet: dr MoDem, a Àbkìrzung fer „Mouvement Démocratique“.


Ar ìsch àn mehrera Präsidantschàftwàhla Kàndidàt gsìì:

  • ànna 2002, ìn dr UDF-Pàrtei: 6,84 % vu da Stìmma, àm viarta Plàtz ìm erschta Tour
  • ànna 2007, ìn dr UDF-Pàrtei: 18,57 % vu da Stìmma, àm drìtta Plàtz ìm erschta Tour
  • ànna 2012, ìm MoDem: 9,13 % vu da Stìmma, àm fìmfta Plàtz ìm erschta Tour


Ar ìsch àm 4. Àwrìl 2014 Maire vu Pau gwählt worra.

Priwàtlawa ändere

Ànna 1974 hàt'r d Élisabeth Perlant ghirota, sa han mìtnànder sechs Kìnder bikumma.

Kültür un Wark ändere

Dr François Bayrou kààt güet d regionàla Sproch vum Béarn, wo-n'r harstàmmt. Ar schätzt d regionàla Kültür un unterstìtzt d Mìnderheitasprocha, bzw. d Europäischa Chàrta vu da Regionàl-oder Mìnderheitasprocha.

Schrìfta ìwer d Gschìcht
  • Le roi libre. – Paris: Flammarion, 1994 – ISBN 2080668218
    Le roi libre. – Paris: France loisirs, 1995 – ISBN 2724289447
    Le roi libre. – Paris: Éd. J’ai lu, 1996 – ISBN 2277241830
    Henri IV – Paris: Perrin jeunesse, 1998 – ISBN 2262013012
    Henri IV: le roi libre. – Paris: Flammarion, 1999 – ISBN 208067725X
  • Saint-Louis. – Paris: Flammarion, 1997 – ISBN 2080672088
  • Ils portaient l’écharpe blanche: l’aventure des premiers réformés, des Guerres de religion à l’édit de Nantes, de la Révocation à la Révolution. – Paris: B. Grasset, 1998 – ISBN 2246559812
    Ils portaient l’écharpe blanche: l’aventure des premiers réformés, des Guerres de religion à l’édit de Nantes, de la Révocation à la Révolution. – Paris: Librairie générale française, 2000 – ISBN 225314779-6
Politischa Veräffentligunga
  • La Décennie des mal-appris. – Paris: Flammarion, 1990 – ISBN 2080664727
  • Le droit au sens. – Paris: Flammarion, 1996 – ISBN 2080672045
  • Bayrou, François; Pierre-Brossolette, Sylvie: Hors des sentiers battus: entretiens avec Sylvie Pierre-Brossolette. – Paris: Hachette littératures, 1999 – ISBN 2012352588
  • François Bayrou, Qui êtes-vous? Que proposez-vous? – Paris: Archipel, 2001 – ISBN 2841872831
  • Relève. – Paris: Grasset, 2001 – ISBN 2246618215
  • Oui: Plaidoyer pour la Constitution européenne. – Paris: Plon, 2005 – ISBN 2259201830
  • Au nom du Tiers-État. Hachette Littératures 2006, ISBN 2012372503
  • Projet d’Espoir. Plon 2007, ISBN 2259201628
  • Abus de Pouvoir. Paris: Plon, 2009

Externa Links ändere

  Commons: François Bayrou – Sammlig vo Multimediadateie

Referanz ändere

  1. D Jugend vum François Bayrou, uf em Websitt vum MoDem (fr)
  2. Noochrìchta ìwer dr François Bayrou, uf EurActiv.fr (fr)