Francesca da Polenta

D Francesca da Polenta, au Francesca da Rimini, (* öbbe 1255-1260; † öbbe 1283-1285) isch d Dochder vom Herrscher vo Ravenna, em Guido da Polenta gsi. Si isch berüehmt worde wäge ihrer Liebesaffaire und ihrer Ermordig, wo dr Dante in siiner Göttlige Komödie drüber verzelt.

Läbe

D Francesca da Polenta isch öbbe 1255 z Ravenna as d Dochder vom Guido da Polenta uf d Wält cho. Ihre Vater isch dr Afüehrer vo de lokale Guelfe gsi und für zum si Position z sterke, het er mit dr Malatesta Familie z Rimini e Bündnis abgschlosse. Für zum das z besiigle, het er d Francesca em Giovanni Malatesta, wo dr Biiname dr Lahm (Gianciotto oder lo Sciancato) gha het, as Frau ge, e Hürot us politische Gründ und nit us Liebi. Die zwei hai z Rimini in dr Romagna gläbt und e Dochder, d Concordia, und mögligerwiis e Sohn Francesco gha.

Ihre Ma Giovanni, wo denn e chlii elter gsi isch as vierzig, het si Frau, wo fast zwanzig Johr jünger gsi isch, öbbe 1283-1285 zsämme mit ihrem Liebhaber, em Giovanni siim Brueder Paolo, eigehändig ermordet, won er uusegfunde het, ass si en Affaire hai. Dr Giovanni Malatesta isch 1304 gstorbe.

In dr Kunst

Dr Dante isch dr Erst gsi, wo über d Dragödie gschriibe het, und das im Canto V vo dr "Höll" in dr Göttlige Komödie. Noch ihm haig sich d Francesca in dr Paolo verliebt, wo dä für si Brueder Gianciotto noch Ravenna cho isch, für zum um si z wärbe.

Dr Silvio Pellico und dr Gabriele D'Annunzio hai Schauspiil drüber gschriibe, dr Hermann Götz, dr Riccardo Zandonai und dr Sergey Rachmaninoff Opere komponiert. Vili anderi Künstler hai sich au mit däm Thema beschäfdigt.

Dichtig

• Dante, Göttliche Komödie, Inferno, Canto 5 (1308 - 1321)
• John Keats, A dream, after reading Dante’s episode of Paulo and Francesca, Sonett.
• George Henry Boker, Francesca da Rimini. (1853). Drama.
• Paul Heyse, Francesca von Rimini, Novelle.
• Gabriele D'Annunzio, Francesca da Rimini. Drama, (1901), gschribe für d Eleonora Duse.
• Gabriele D'Annunzio, Francesca da Rimini, Übersetzig ins Dütsch Karl Gustav Vollmoeller, S. Fischer Verlag (1903)

Bildendi Kunst

• Jean-Auguste-Dominique Ingres, Paolo and Francesca (1819). Öl uf Liinwand. Musée des Beux-Arts, Angers, Frankreich.
• Ary Scheffer, Francesca da Rimini und Paolo Malatesta (1855). Öl uf Liinwand. Louvre, Paris.
• Gustave Doré, Illustration zu Canto V Vers 73-75 der Göttlichen Komödie von Dante - Francesca und Paolo da Rimini in der Hölle, Stahlstich (1861)
• Anselm Feuerbach, Francesca da Rimini und Paolo bei der Lektüre von „Lancelot und Guinevere“ (1863)
• Alexandre Cabanel, Der Tod von Francesca da Rimini und Paolo Malatesta (1870). Öl uf Liinwand. Musée d'Orsay, Paris.
• Auguste Rodin, Der Kuss, ursprünglich Francesca da Rimini. Skulptur (1888), Musée Rodin, Paris.

• 
  Jean-Auguste-Dominique Ingres
• 
  Anselm Feuerbach
• 
  Ary Scheffer
• 
  Gustave Doré
• 
  Alexandre Cabanel
• 
  Auguste Rodin

Musik

• Pjotr Iljitsch Tschaikowski, Francesca de Rimini. Symphonische Dichtung (1876).
• Hermann Goetz, Francesca da Rimini, Oper, (1876)
• Sergei Rachmaninow, Francesca da Rimini. Oper, (1906)
• Riccardo Zandonai, Francesca da Rimini. Oper (1914) nach Gabriele D'Annunzio

Quelle

• Dr Ardikel "Francesca Da Rimini." in dr Encyclopædia Britannica. Ultimate Reference Suite. Chicago: Encyclopædia Britannica, 2009.
• Dr Ardikel Francesca da Polenta uf dr italiänische Wikipedia
• Dr Ardikel Francesca da Rimini uf dr dütsche Wikipedia

Weblink

 Commons: Francesca da Rimini – Sammlig vo Multimediadateie