Frank Günther

Dr Frank Günther (* 1947 z Fryburg; † 15. Oktober 2020 z Ulm) isch e dytsche Ibersetzer gsii.

dr Frank Günther (2013)

Lääbe

Dr Frank Günther isch z Wiesbaden ufgwagse. Noch em Studium vu dr Anglischtik, Germanischtik un Theatergschicht z Mainz un z Bochum het er bis 1974 as freiberueflige Reschyassischtänt un Reschisseer an Theater gschafft. Scho um des Zyt het er neii un alti dramatischi Wäärch ins Dytsch ibersetzt. Ab dr 1970er Johr het er s Gsamtwäärch vum William Shakespeare ibersetzt, anne 2017 isch mit Perikles, Prinz vu Tyrus s letscht vu dr ibersetzte Drame erschine.

Anne 2001 het dr Günther dr Christoph-Martin-Wieland-Bryys fir Ibersetzer kriegt, wu noch em eerschte dytsche Shakespeare-Ibersetzer Wieland gnännt isch, 2006 dr Heinrich Maria Ledig-Rowohlt-Bryys. Im Wintersemeschter 2007/08 het er e Gaschtprofässuur fir Ibersetzig an dr Freie Universitet Berlin ghaa. 2011 isch dr Günther mit em Johann-Heinrich-Voß-Bryys fir Ibersetzig vu dr Dytsche Akademy fir Sproch un Dichtig uuszaichnet.

ÄR isch Mirtglid im PEN-Zäntrum Dytschland gsii.

Dr Günther het im oberschwebische Rot an der Rot gläbt. Är isch im Oktober 2020 im Alter vu 73 Johr noch ere churze schwäre Chranket z Ulm gstorbe.

Wäärch

Anne 2014 sin zum 450. Geburtsdag vum Shakespeare zwai Biecher vum Günther erschine: Unser Shakespeare. Einblicke in Shakespeares fremd-verwandte Zeiten un di zwoosprochig Zitatesammlig Shakespeares Wort-Schätze. Anne 2016 isch sy Ibersetzig vu The Booke of Sir Thomas Moore unter em Titel Die Fremden. Für mehr Mitgefühl erschine. Des Fragmänt vun ere dramatische Szene giltet as s ainzig erhalte handschriftli Manuskript vum Shakespeare.

Weblink

• Frank Günther, bei dtv
• Christian Gampert: Der Übersetzer Frank Günther im Porträt, Deutschlandfunk, 20. April 2014

Fueßnote

Dä Artikel basiert uff ere fräie Übersetzig vu dere Version vum Artikel „Frank_Günther“ vu de dütsche Wikipedia. E Liste vu de Autore un Versione isch do z finde.