Fraunhofer-Inschtitut fir Churzzytdinamik
S Fraunhofer-Inschtitut fir Churzzytdinamik, Ernst-Mach-Inschtitut (dt. Fraunhofer-Institut für Kurzzeitdynamik, Ernst-Mach-Institut EMI, churz au „Fraunhofer EMI“ gnännt) isch e Inschtitut vu dr Fraunhofer-Gsellschaft. S isch anne 1959 vum Hubert Schardin z Fryburg grindet wore.[1]
| Fraunhofer-Inschtitut fir Churzzytdinamik, Ernst-Mach-Inschtitut | |
|---|---|
_1.jpg) Inschtitutsgebei | |
| Kategori: | Forschigsyyrichtig |
| Träger: | Fraunhofer-Gesellschaft zur Förderung der angewandten Forschung e. V. |
| Rechtsform vom Träger: | Yydraite Verain |
| Sitz vom Träger: | München |
| Standort vo dr Iirichtig: | Fryburg, Efrige-Chilche, Chander |
| Art vo dr Forschig: | Aagwändti Forschig |
| Fächer: | Ingenieurwisseschafte, Fisik, Aschtronomy, Maschineböu/Verfahrestächnik |
| Fachgebiet: | Wärchstoffwisseschaft, Churzzytmässtächnik, Stoßwälle- un Impaktfisik, Computational Physics |
| Grundfinanzierig: | Bund (90 Brozänt), Länder (10 Brozänt) |
| Leitig: | Stefan Hiermaier |
| Mitarbeiter: | ca. 330 |
| Homepage: | www.emi.fraunhofer.de |
D Aktivitete vum Inschtitut lige in dr aagwändte Forschig un Entwicklig im Fach vu dr Ingenieurwisseschafte uf dr Biet Stoßwälle- un Impaktfisik, Wärchstoffwisseschaft, Computational Physics un Churzzytmässtächnik. Näb em Standort z Fryburg git s Inschtitutsdail z Efrige-Chilche un Chander
Dr Byname „Ernst-Mach-Institut“ chunnt vum Fisiker Ernst Mach (1838–1916), wu zum erschte Mol gschafft het, mit churzzytfotografische Metode zue dr Visualisierig, ballistischi un gasdinamischi Vorgäng sichtbar z mache.
Forschig un Entwicklig ändere
D Fraunhofer EMI isch e Inschtitut, wu zue me braite Späktrum vu Theme us dr aagwändte Fisik schafft. S isch spezialisiert uf d Untersuechig vu fisikalisch-tächnische Vorgäng in Wärchstoff, Strukture un Kumpenänte. D Forschigsarbete vum EMI lige in snre Gschäftsfälder Verdaidigung, Sicherhait, Automotive, Ruumfahrt un Luftfahrt un hän e hecheri Sicherhait, Zueverlässigkait, Resiliänz un Noohaltigkait vu dr Gsellschaft zum Zyl.
Zum Forschigsprofil ghere d Wärchstoffwisseschafte, d Ballischtronik (Kopplig vu Ballischtik un Mikroelektronik bzw. Mikromechanik), High-Performance Computing, d Sensorik un d Churzzytmässtächnik. D Forschig un Entwicklig lyt in dr Beraich Sicherhait vu Infrastrukture, Verchehrssicherhaitstächnik, Schutztächnologie fir Ruumfahrzyyg, Analys vu Sterfäll, Yysatz un Wirkig vu Explosivstoff, zivili un militerischi Schutztächnik.
Zum Erfasse vu Churzzytvorgäng stoht e brait Späktrum an Methode z Verfiegig, wu s Mässe un s Visualisiere vu Vorgäng megli macht, wu im Zytberaich vu Milli- bis Nanosekunde, bi hoche Druck bis 1 Megabar un bi extrem hoche Dehnrote bis 106 s−1 ablaufe.
Zum Erfasse vu dr Churzzytvorgäng wäre zem Byschpel Hochgschwindigkaitskamera, lychtstarki pulsti Liechtquälle, Laserstroboskopy un Röntgenblitztächnik yygsetzt. In dr Versuechsaalage vum Fraunhofer-Inschtitut chenne Materialaigeschafte au unter hochdynamische Bedingige brieft un gaigneti Bschrybige fir d Simulation definiert wäre.
S Fraunhofer EMI het verschideni Bschlynigungsaalage, wu Projektil uf hochi Gschwindigkaite mit chenne bschlynigt wäre. Di zwoostapflig Bschlynigungsaalag z Efrige-Chilche isch di grescht z Europa. Derzue isch s Inschtitut anerkännt as Briefstell fir sprängwirkigshämmendi Normbriefige vu Sicherhaitssunderverglasige no DIN EN 13541. D Aigeschafte, wu fir e CE-Kännzaichnig mien berucksichtigt wäre, sin im Aahang ZA vu dr jewylige Produktnorm spezifiziert.
Kooperatione ändere
S Fraunhofer EMI isch Mitglid vu verschidene Fraunhofer-Verbind un Fraunhofer-Allianze. Dodin bindle d Fraunhofer-Inschtitut iri verschidene Kompetänze mache s bi kompläxe Ufgabestellige megli, kompetänti Aasprächpartner z finde, wu iber d Inschtitut Lesigsaagebot uusschaffe un d Forschig un Entwicklig koordiniere.
S Fraunhofer EMI isch Mitglid in däne Fraunhofer-Verbind
- MATERIALS
Där Verbund bindlet d Kompetänze vu dr zwelf materialwisseschaftlig orientierte Inschtitut vu dr Fraunhofer-Gsellschaft. - Fraunhofer-Verbund fir Verdaidigungs- un Sicherhaitsforschig VVS
In däm Verbund hän si Fraunhofer-Inschtitut zmegschlosse go iri Forschigsaktivitate im Beraich „Defense and Security“ koordiniere un umsetze.
S Fraunhofer EMI isch Mitglid in däne Fraunhofer-Allianzen
- Fraunhofer-Allianz Numerischi Simulation vu Produkt, Prozäss
Do bindle zwanzg Fraunhofer-Inschtitut iri Kompetänze in dr Entwicklig un Verbesserig vu Simulationsverfahre. - Fraunhofer-Allianz Böu
D Allianz bietet Böu-Kompetänz us aire Hand dur integrali Sischtemlesige fir d Böuinduschtry. - Fraunhofer-Allianz Lychtböu
D Inschtitut, wu in dr Fraunhofer-Allianz Lychtböu zämegschlosse sin, hän Kompetänze in dr Beraich Materialie bzw. Materialverbind fir dr Lychtböu, Fieg- un Fertigungsverfahre im Lychtböu, numerischi un experimentälli Simulation im Lychtböu un Bewärtig vu Böudail un Sischtem. - Fraunhofer-Allianz Batterie
Dr Fokus vu dr Forschigsarbete vu däre Fraunhofer-Allianz lyt uf Batterie un Superkondensatore, au Redox-Flow-Sichtem. D Wärtschepfigschette goht vu Materialie au fir chlaischti Spycherainhaite iber Modulufböu un Batteriemanagement bis zue dr Qualitätssicherig in dr Fertigung un dr Simulation vu Materialie bis Design. - Fraunhofer-Allianz Space
D Fraunhofer-Allianz Space isch e Zämeschluss vu Inschtitut, wu Beraich Ruumfahrttächnology aagwändti Forschig fir dr Wältruum mache. - Fraunhofer-Allianz Generativi Fertigung
D Fraunhofer-Allianz Generativi Fertigung integriert dytschlandweit 15 Fraunhofer-Inschtitut, wu mit unterschidlige Schwärpinkt zue dr generative Fertigung schaffe. Insgsamt bilde si di ganz Prozässchette ab. Des umfasst d Entwicklig, Aawändig un Umsetzig vu generative Fertigungsverfahre un Prozäss un au d Materialie derzue.
Syter 2006 git s e Kooperation mit em Inschtitut fir Mechanik un Statik vu dr Fakultet fir Böuingenieur- un Vermässigswäse (hit Fakultät fir Böuingenieurwäse un Umwältwisseschafte) bi dr Universitet vu dr Bundeswehr z München. Zyl vu däre Kooperation isch dr gmainsam Uusböu vu internationale Forschigsprojäkt un e versterkte Tächnologytransfer vu Forschigsergebnis zue Produkt.
Infrastruktur ändere
- Anne 2015 hän iber 330 Lyt am EMI gschafft, iber d Helfti dervu im wisseschaftli-tächnische Beraich.
- Dr Bedribshuushalt vu dr Fraunhofer EMI isch im Gschäftsjohr 2015 bi 27,3 Millione Euro gläge.
Weblink ändere
Fueßnote ändere
- ↑ Helmut Trischler und Rüdiger vom Bruch: Forschung für den Markt. Geschichte der Fraunhofer-Gesellschaft, Verlag C.H.Beck, München 1999, S. 239 ff
Koordinate: 48° 0′ 3,3″ N, 7° 50′ 47,6″ O
|
Dä Artikel basiert uff ere fräie Übersetzig vu dere Version vum Artikel „Fraunhofer-Institut_für_Kurzzeitdynamik“ vu de dütsche Wikipedia. E Liste vu de Autore un Versione isch do z finde. |