Freii Hochschuel fir Grafik-Design & Bildendi Kunscht Friburg

Di Frei Hochschuel fir Grafik-Design & Bildendi Kunscht Friburg (kurz FHF) isch e privati Hochschuel mit Sitz z Friburg gsii. Anne 2010 het si mit em International Music College Friburg, eme Berich vu dr Jazz & Rock Schuele Friburg (JRS) zur Hochschuel fir Kunscht, Design un Populäri Musik Friburg fusioniert, wu mit em Wintersemeschter 2011 de Lehrbedrib ufgnumme het. Dreger isch d Hochschuel fir Kunscht, Design un Populäri Musik Friburg gmainnitzigi GmbH gsii.

Freie Hochschule für Grafik-Design & Bildende Kunst Freiburg
Gründig	1986
Ort	Friburg
Bundesland	Bade-Wirtteberg
Land	Ditschland
President	Jürgen Faust
Studänt*ene	rund 200
Website	www.freie-hochschule-freiburg.de

Dialäkt: Friburgerisch (eltere Stadtdialekt)

Freii Hochschuel fir Grafik-Design & Bildendi Kunscht Friburg

Gschicht

D Hochschuel isch anne 1986 us ere Initiativ vu Kinschtler*ne un Kunschtferder*ne entstande, aafangs as Freiburger Akademie Modell e.V., no as Freie Kunstakademie Freiburg, bzw. Freie Akademie für bildende Kunst Freiburg. De Lehrbedrib isch 1986 mit em Fachberich Molerei ufgnumme wore. 1988 isch s Studienaagebot dur de Fachberich Grafik-Design erwitteret wore.

• 1990: BAföG-Anerkennung.
• 2001 Studiegang „Screen- un Webdesign“
• 2007 Fusion mit de freiburger-grafik-schule (FGS)
• 2010 Fusion em International Music College Freiburg, eme Berich vu dr Jazz & Rock Schuele Friburg (JRS) zur Hochschule für Kunst, Design und Populäre Musik Freiburg

Anne 2014 hän di letschte Absolvente*ne vu de FHF ire Abschluss gmacht.

De Name „Hochschuel“ stimmt nit ganz. D Schuel het nie di staatlig Anerkennung as Fachhochschuel ghet. Au sin d Abschliss nit staatlig anerkennt.

Studiegäng

S sin drei Studiegäng aabote wore:

• Grafik-Design/Visuelli Kommunikation: e achtsemeschtrigi (plus Praktikumssemeschter), BAföG-gferdereti, praxisbezogeni Gstalter*ne-Uusbildung uf wisseschaftlger Grundlag. D Uusbildung isch in drei Berich glideret gsii: s Grundlagestudium, s Fachstudium un s Praktikum.
• Screen-/Web-Design: e achtsemeschtrigi (plus Praktikumssemester), BAföG-gferdereti Uusbildung. Newe verschidene Gstaltungskirs sin do di gängige Grafik-Computerprogramm (inhaltligi Iwerschnidunge mit em Studiegang Grafik-Design) un Fächer wie Webprogrammierung, Videoschnitt un Internettechnologi unterrichtet wore.
• Bildendi Kunscht: e achtsemeschtrigi Kinschtler*ne-Uusbildung, wu u. a. Grundlage vum Gstalte im Sinn vun ere „Schuel vum Sehne“ unterrichte wore isch.

Dezue het di Frei Hochschuel Friburg e dreijehrige, uf sechs Wuchestunde begrenzte Morge- un Owekolleg Freii Molerei un Zeichne aabote un e Mappe-Vorbereitungskurs mit drei Veraastaltunge pro Wuche.

Studiegebihre

Kursgebihre (ab SuSe 2008), Stand: Oktower 2007

• Studiegäng Grafik-Design + Bildendi Kunscht/Freii Molerei (8 Semeschter): € 2.220,-- pro Semeschter (im Monet € 370,--)
• Studiegang Screen-/Webdesign (6 Semeschter): € 2.220,-- pro Semeschter (im Monet € 370,--)
• Vorbereitungskirs: € 600,-- pro Semeschter (4 Monet) € 600,-- pro Semeschter (im Monet € 150,--) /(6 Monet) € 900,-- pro Semeschter (im Monet € 150,--)
• Morgekolleg / Owekolleg Freii Molerei (6 Semeschter): € 840,-- pro Semeschter (im Monet € 140,--)
• Aktzeichnekurs: im Monet € 65,--

Weblink

• Offizielli Website

Fueßnote

47.9921197.835028

Dä Artikel basiert uff ere fräie Übersetzig vu dere Version vum Artikel „Freie_Hochschule_für_Grafik-Design_%26_Bildende_Kunst_Freiburg“ vu de dütsche Wikipedia. E Liste vu de Autore un Versione isch do z finde.