Dr Fritz Gugelmeier (* 9. Merz 1901 z Augge; † 9. Merz 1978 ebe dert), isch e Markgrefler Buur un Haimetdichter gsii.

Lääbe ändere

 
Gedicht vum Gugelmeier uf em Feldberger Dichterwegli

Dr Fritz Gugelmeier isch e Räbbuur gsii. Mit syre Frau Luise isch er 51 Johr lang ghyrote gsii. Si hän zäme sechs Chinder ghaa. Friedrich, Rosemarie, Gretle, Christel, Hansjörg un Johanna.

Im Novämber 1977 het dr Fritz Gugelmeier im Alter vu 76 Johr e Sammlig vu syne alemannische Gedicht vorglait. Im Gedichtband „Bröckeli“ het s en Uuswahl vu rund 100 Gedicht us eme Gsamtwärch vu iber 300 Täxt. Nume ne baar Monet speter isch dr Fritz Gugelmeier gstorbe, am sym 77. Geburtsdag am 9. Merz 1978.

Dr Titel vum Biechli „Bröckeli“, het er eso erklert: Wun er e Chind gsii isch, het d Mueter ihm un syne Gschwischter als Kaffeemeggeli gmacht, also chlai ghaueni Brotstickli, wu mer in Milch yydunkt het, un die het mer im Auggener Dialäkt ebe „Bröckeli“ gnännt. Un au speter, schrybt er, „mer isch alt und älter worde/Bröckeli hets allno ge“. Was är in sym Hametort sälber, in dr Dorfgmainschaft un im Markgreflerland erläbt het, het er in syne Värs bschribe. Uf eme Buurehoof im Räbdorf Augge mit drei Gschwischter ufgwachse, het er scho ase chlai mieße uf em Hoof un in dr Rääöbe mithälfe. Ame vieri oder fimfi demorge het s Dagwärch aagfange. Vyl vu syne Gedicht stamme us dr Buurewält. Di maischte sin demorge im Staal entstande: „Bei den Kühen war die beste Zeit.“ Fir d Niderschrift het er alli meglige Zeedel bruucht, d Rucksyte vu Kaländerbletter, Drucksache, wie er si grad im Sack ghaa het.[1]

Zue sym 100. Geburtsdag am 9. Merz 2001 het d Gmai Augge ne Maanfyyr veraastaltet un s Buech „Brot un Wi“ iber dr Gugelmeier publiziert. Dodin het s au bishär nit vereffetligti Gedicht un Värs us dr zwanzger Johr, au uf Hochdytsch.

No ihm isch d Fritz-Gugelmeier-Stroß z Augge gnännt. E Dafle mit eme Gedicht vum Gugelmeier findet mer uf em Feldberger Dichterwegli .

Schrifte ändere

  • Bröckeli – alemannische Gedichte. Gemeindeverwaltung Auggen, Auggen 1977.

Literatur ändere

  • Brot un Wi. Fritz Gugelmeier – Auggener Heimatdichter zum 100. Geburtstag am 9. März 2001. Auggen 2001.

Weblink ändere

Fueßnote ändere

  1. Fritz Gugelmeier „Bröckeli“, 11/1977
  Dä Artikel basiert uff ere fräie Übersetzig vu dere Version vum Artikel „Fritz_Gugelmeier“ vu de dütsche Wikipedia. E Liste vu de Autore un Versione isch do z finde.