Dr Friedrich „Fritz“ Walter Keller (* 2. April 1957 z Fryburg) isch e dytsche Räbbuur, Wyyhändler, Gaschtronom, Hotelier un Fueßballfunktioneer.

Fritz Keller, 2019
Stäärn-Reschtaurant Schwarze Adler z Oberbäärge
Nei böue Wyyguet Franz Keller mit Chällerwiirtschaft

LääbeBearbeite

Dr Fritz Keller isch e Suhn vum Franz Keller Senior un syre Frau Irma us ere Räbbuure- un Gaschtronomefamilie z Oberbäärge am Chaiserstuel. Sy eltere Brueder isch dr Choch Franz Keller. Sy Getti isch dr Fritz Walter, wun er au noch em gnännt woren isch.[1]

D Räbbuure- un Gaschtronomefamilie het näb em Reschtaurant „Schwarze Adler“, wu scho syter anne 1969 unter syre Mueter Irma un bis hite ununterbroche mit eme Michelin-Stäärn uuszaichnet woren isch, au no Rääbe. Syter 1990 fiert Fritz Keller mit syre Frau Bettina in dr dritte Generation s Wyyguet Franz Keller.[2] Derno het er dr Wyyimport fir exklusivi Wyy vor allem vu Bordeaux un em Burgund ibernuu. Derzue isch s Hotäll chuu, wu Mitgliid bi L’Art de Vivre Residenzen isch,[3] un s „Winzerhuus Räbstock“, e typisch badischi Gaschtwiirtschaft. Anne 2013 isch mit em Böu vum neie Wyyguet au no s Reschtaurant „Kellerwirtschaft“ derzue chuu.[4]

As „Botschafter vu dr Wyykultuur vu Baade“ het er mit syne Wyy internationali Anerkännig gwunne. Dr Keller isch zwanzg Johr lang Vizebresidänt vu dr Sommelier-Union Dytschland gsii un het d Grindig vu dr Sommelier Colleges iniziiert.[5]

FueßballfunktioneerBearbeite

Syter anne 2010 isch dr Fritz Keller Erschte Vorsitzer vum Fueßballbundesligischt SC Fryburg, syt em Oktober 2014 – noch ere Satzigsänderig – dr Bresidänt.

E Findigskummission het im Augschte 2019 dr Fritz Keller zur Wahl as neie Bresidänt vum Dytsche Fueßball-Bund vorgschlaa.[6]

UuszaichnigeBearbeite

  • Aral Schlemmer Atlas 2010: „Weingut des Jahres“
  • Diners Club 2010: „Winzer des Jahres“
  • Eichelmann 2010: Beste Rotweinkollektion
  • Gault Millau 2011: „Restaurateur des Jahres“
  • 2012 Brillat-Savarin-Plakette „Persönlichkeiten mit prägendem Einfluss auf die Branche und mit besonderen Verdiensten um Gastlichkeit und Tafelkultur“[7]
  • Falstaff 2014: Falstaff Wein Trophy – Lebenswerk als Winzer
  • Falstaff 2019: „Kollektion des Jahres“
  • Gault Millau 2019: „Winzer des Jahres“ Friedrich und Fritz Keller[8]

WeblinkBearbeite

FueßnoteBearbeite

  1. DFB-Kandidat Keller: Winzer, Clubchef, Walter-Patenkind, Augsburger Allgemeine, 15. Augschte 2019
  2. Das neue Weingut von Fritz Keller in Oberbergen ist eröffnet Badische Zeitung, 19. Juli 2013
  3. Restaurant Schwarzer Adler im Hotel Schwarzer Adler lartdevivre-residenzen.com, abgruefen am 15. Augschte 2019
  4. Kellerwirtschaft
  5. Websyte vu dr Sommelier Union Dytschland sommelier-union.de, abgruefen am 15. Augschte 2019
  6. Freiburg-Präsident Fritz Keller soll neuer DFB-Präsident werden. 15. August 2019, abgruefen am 15. August 2019.
  7. 57. Brillat Savarin-Plakette. Archiviert vom Original am 24. April 2017; abgruefen am 16. August 2019.
  8. restaurant-ranglisten.de: Winzer des Jahres: Fritz und Friedrich Keller
  Dä Artikel basiert uff ere fräie Übersetzig vu dere Version vum Artikel „Fritz_Keller_(Winzer)“ vu de dütsche Wikipedia. E Liste vu de Autore un Versione isch do z finde.