Hauptmenü ufmache
Garteröötel
Phoenicurus phoenicurus male(ThKraft).jpg

Garteröötel (Phoenicurus phoenicurus)
Gsang?/i

Systematik
Ordnig: Spatzevögel (Passeriformes)
Underordnig: Singvögel (Passeri)
Familie: Flüügeschnäpper (Muscicapidae)
Underfamilie: Schmätzer (Saxicolinae)
Gattig: Rotschwänzli (Phoenicurus)
Art: Garteröötel
Wüsseschaftlige Name
Phoenicurus phoenicurus
(Linnaeus, 1758)

De Garteröötel (Phoenicurus phoenicurus; alemanischi Näme) isch e Zugvogel, wo i Mitteleuropa brüetet. I de Alpe chan er bis 2400 müM vorchoo. Afangs Oktober flüüget d Garteröötel i di afrikanischi Sahelzoone. D Mandli cheeret im iigende Aprile zrugg und suechet gaigneti Bruethööline, wo denn echli spööter vom Wiibli uusgsuecht weret. Debii vertriibets au anderi Vögel, wo sich scho i guete Höölene iigrichtet hend.

Inhaltsverzeichnis

UussieBearbeite

Bim Garteröötel underschaidet sich d Mandli und d Wiibli starch vonenand. S Wiibli het e bruuni Obersiite und de helle Buuch miteme Rosastich, de langi Schwanz isch röötsch. S Mandli het e graue Rugge und bruuni Flögel. De Chopf und s Chüni sind schwarz, öber de Auge isch e wiisse Straiife, d Chappe isch grau. De Buuch und de Schwanz sind rostroot. Garteröötel wered 13 bis 15 cm grooss, hend e Spannwiiti vo 20 bis 24 cm und wöget 12 bis 20 Gramm.

LebeswiisBearbeite

De Garteröötel lebt i Wädli, Bommert, Pärk und Gärte i Sidligsnööchi. S Nest bauets us Grääs und polsterets mit Mies, Federe und Hoor. Mandli wo sich paart hend singet nume i de Morgedämmerig, di andere Mandli de ganzi Taag.

BüecherBearbeite

  • Urs N. Glutz von Blotzheim, K. M. Bauer: Turdidae/Erithacinae. Aula, Wiesbaden 2001, ISBN 3-923527-00-4 (Handbuch der Vögel Mitteleuropas. Band 11/1).
  • Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
  • Heinz Menzel: Der Gartenrotschwanz. Ziemsen, Wittenberg 1971, ISBN 978-3-89432-215-1
  • A. Järvinen: Redstart (Phoenicurus phoenicurus). In: W. J. M. Hagemeijer, M. J. Blair: The EBCC Atlas of European Breeding Birds – their distribution and abundance. Poyser, London 1997, ISBN 0-85661-091-7, S. 524–525.
  • Heinz Staffelbach: Handbuch Schweizer Alpen; Bern 2008.ISBN 978-3-258-06895-4
  • L. Svensson, P. J. Grant, K. Mularney, D. Zetterström: Der neue Kosmos-Vogelführer. Franckh-Kosmos, Stuttgart 1999, ISBN 3-440-07720-9.

WeblinkBearbeite

  Commons: Garteröötel – Sammlig vo Multimediadateie