Gebhard III. vu Zähringe
| Dialäkt: Undermarkgreflerisch |
Dr Gebhard III. vu Zähringe († 12. Novämber 1110) isch ab 1084 Bischof vu Konschtanz gsi.
Dr Gebhard III. isch e Suhn vum Berthold I. vu Zähringe un dr Richwara gsi.
Är isch im Investiturstryt e prominänte Verdrätter vu dr päpschtlige Bartei gege dr Chaiser Heinrich IV gsi. Anne 1089 isch er vum Papscht Urban II. zum päpschtlige Legate z Dytschland ernännt wore. Dr Gebhard het d Sihn vum Heinrich IV. gege ihre Vater unterstitzt. Är het versuecht fir dr Konrad anne 1093 s Herzogtum Schwabe un Bayern z gwinne un het em Heinrich V. dr päpschtli Sege iberbrocht. Är isch vum Heinrich IV. vu syym bischeflige Stuel verdirbe wore, het aber, au vum Paschalis II. as Legat bstetigt, syy Widerstand furtgsetzt un het e große Yyfluss gha uf dr Ingelheimer Ryychsdag 1105, wu dr Heinrich IV. gnetigt woren isch, uf dr Drohn z versichte.
Literatur
ändere- Gerold Meyer von Knonau: Gebhard III., Bischof von Constanz. In: Allgemeine Deutsche Biographie (ADB). Band 8, Duncker & Humblot, Leipzig 1878, S. 453–457.
- Bruno W. Häuptli: Gebhard III. von Zähringen. In: Biographisch-Bibliographisches Kirchenlexikon (BBKL). Band 24, Nordhausen 2005, ISBN 3-88309-247-9, Sp. 676–680.
- Karl Schmid: Gebhard III., Bischof von Kosntanz. In: Neue Deutsche Biographie (NDB). Band 6, Duncker & Humblot, Berlin 1964, ISBN 3-428-00187-7, S. 114 f.
| Vorgänger Bertolf |
Bischof vu Konschtanz 1084–1110 |
Nochfolger Arnold von Heiligenberg |