genitals Gschlächt

S genitale Gschlächt vom ene Mensch wird dur die üssere Gschlächtsmerkmol bestimmt: Penis und Skrotum bi männlige bzw. Labie und Klitoris bi wiiblige Persone.

S genitale Gschlächt und s genetische (chromosomale) Gschlächt si im Allgemäine s gliiche, aber nid immer. So git s zum Bischbil Individue mit eme XY-Karyotyp, d. h. si si genetisch männlig, aber wil si e Defekt uf em churzen Arm vom Y-Chromosoom in dr SRY (Sex determining region of Y), dr Region wo s Gschlächt bestimmt, häi, ghööre si zum wiiblige Phänotyp, und mä reedet denn vo XY-Fraue. S genitale Gschlächt cha au vom gonadale oder hormonale Gschlächt abwiiche. Lueg Intersexualität.

Au isch s mööglig, ass s genitale Gschlächt andersch isch as s Identidäätsgschlächt vom ene Mensch, won e psychologische Begriff isch für s Gschlächt, won e Individuum s Gfüül het, ass er drzue ghööri. Au s soziale Gschlächt, also d Gschlächtsrolle, won e Mensch drmit läbt, isch vom genitale prinzipiell unabhängig.