Georg Zinkel

Dr Georg Zinkel (gnännt „Zinkel-Schorsch“; * 16. Mai 1948 z Bühl; 15. Novämber 2014) isch e schwebische Dialäktdichter gsii.

Läbe un Wärch

Dr Zinkel isch z Bühl as eltschts vu fimf Chinder uf d Wält chuu. Speter isch er uf Nei-Ulm zoge un het dert gläbt bis zue sym Dod.

Dr Zinkel Schorsch het insgsamt vier Biecher mit schwebische Gedicht gschribe. Mit däne haitere un au noodänklige Gedicht het er d Mänsche vu ihre Alldagssorge wellen aalänke

In dr Diskussion um Dialäkt in dr an dr bayerische Schuele het er si fir Schwebisch as Unterrichtsfach uusgsproche.

Är isch Mitglid vu dr Matzenhofer Schwabengilde gsii un syter 2013 au dr Vorsitzer vu sällere. Au im Nei-Ulmer Draachteverain „Almrausch“ isch er Mitglid gsii un het dert bin Laietheater mitgspiilt un isch au langi Johr Theaterlaiter gsii.

In dr Adväntszyt het er als fir e guete Zwäck d Raie „Mundart und Musik“ organisiert un moderiert un het dert au Läsige ghalte.

Biecher

• S`ganze Leaba isch a Karussell. Lustige ond andre Gedichtla von A bis Z, Eigenverlag [o. J.]
• Von Advent bis Heilig Drei König. Gedichte und Geschichten zur stillen Zeit, Eigenverlag [o. J.]
• Spaziergang durch´s ganze Jahr. Mundartgedichte über Land und Leute, Eigenverlag [o. J.]
• I schenk dir an Sonnaschei. Mundartgedichte zum Nachdenken und Lachen, Eigenverlag [o. J.]

Weblink

• Websyte vum Zinkel-Schorsch
• Matzenhofer Schwabengilde
• Abschied vom „Schorsch“, Augsburger Allgemeine, 18.11.2014