Hauptmenü ufmache
Gianuario Carta CROPPED before 1986.jpg

Dr Gianuario Carta (* 1. Januar 1931 z Bitti uf Sardinie; † 14. Februar 2017 z Cagliari) isch en italiänische Jurischt und Bolitiker gsi.

Är het s Rächt a dr Katolischen Universität vo Mailand studiert und isch zum Presidänt vo de Rächtsawält i de Provinz Nuoro gwäält worde. Sid 1965 isch är Regionalroot vo Sardinie gsi.

Är isch vo 1968 bis 1983 für d Democrazia Cristiana[1] i dr italiänische Abgordnetechammere, de Camera dei deputati, und vo 1983 bis 1992 im Senato della Repubblica gsässe. Är het parlamäntareschi Kommissione gleitet, so au die, wo d Skandal von ere Filiale vo dr Banca Nazionale del Lavoro undersuecht het.

Nach verschidene andere staatlichen Ämter isch är vo 1983 bis 1986 Minister für d Handelsmarine im Kabinett Craxi I gsi.[2]

WeblinggBearbeite

FuessnoteBearbeite

  1. Il gianburrasca della politica Artikel uf old.unica.it vom 27. Juni 2012
  2. Politica sarda in lutto, è morto l’ex ministro Dc Ariuccio Carta. Artikel uf sardiniapost.it vom 14. Februar 2017