Gossip Girl isch e US-amerikanischi Jugendserie, wo sit em 19. September 2007 uf em Network The CW z gseh isch un uf dr glichnamige Buechreihe vo dr Autorin Cecily von Ziegesar basiert.

Handlig ändere

D Serie handlet vonere Gruppe vo verwöhnte Teenager vonere New Yorker Elite-Schuel, vo dene riche und bekannte Familie und vo dene, wo nit zur High Society ghöre, allerdings mit ihre z tue hend. All ihri Handlige, Fähler und Grücht um si, wärde vonere anonyme New Yorker Bloggerin, Gossip Girl, brichtet und kommentiert. Es goht um Konflikt zwische Eltere und ihrne Kinder, Konflikt zwüsche rich und weniger rich und um Theme wie Fründschaft, Intrige, Liebi, Sex, Iifersucht, Depressione, Alkohol und Droge. Im Mittelpunkt vo dere Serie stoht Serena van der Woodsen (Blake Lively) und ihri besti Fründin Blair Waldorf (Leighton Meester).

In dr erste Folg vo dr Serie taucht d Serena plötzlich wider in New York uf. Nit emol d Blair het gwüsst, wo si in de letzte Mönet gsi isch. Blairs Fründ Nate Archibald (Chace Crawford) wo vor Serenas Verschwinde e churzes Intermezzo het gha, merkt, dass er immer no Gfühl für d Serena het. Si het aber kei Inträss am Nate. Stattdesse trifft Serena de charmant Dan Humphrey (Penn Badgley), e Stipendiat us Brookly, wo nit wie d Serena, de Nate und d Blair usere wohlhabende Familie vo dr High Society vo de New Yorker Upper East Side chunnt und so Serena und ihrne Fründinne nie ufgfalle isch. Allerdings verfolgt er s Gscheh um d Serena scho sit einiger Zit. Durch e Zuefall chöme sich die beide schnell nöcher. Dans Schwöster Jenny (Taylor Momsen) gohts ähnlich wie ihm, denn au si het bis jetzt Blair und ihri Elite-Clique nur us dr Färni betrachte chönne, versuecht aber immer wider dezue z ghöre. Im Gägezug für d Gstaltig vo Iiladige zuenere Party unter em Motto ¨Kiss on the lips¨ bechunnt au d Jenny e Iiladig. Doch spötistens do muess si begriffe, dass au die neu gfundeni Glitzerwält ihri Schattesite het.

Litratur ändere

  • Crissy Calhoun: Gossip Girl: die Serie, die Stars, die Skandale! (das inoffizielle Buch). Schwarzkopf & Schwarzkopf Verlag, Berlin 2010, ISBN 978-3-89602-930-0

Weblink ändere

  Commons: Gossip Girl – Sammlig vo Multimediadateie