Grand Casino Basel
S Grand Casino Basel isch äins vo siibe A-Casinos[1] in dr Schwiz. Es befindet sich im Santihanns grad an dr franzöösische Gränze.
| Dialäkt: Baseldütsch |
S Geböid ändere
Bauheer und Bedriiber isch d Airport Casino Basel AG, wo Burckhardt und Partner dr Ufdraag gee het, s Casino z baue. Es isch 2003 fertig worde. Es het e kubische Baukörper mit ere zuenige, zwäischichtige Fassaade: Vor dr rote Wermidämmig isch im Abstand vo 8 cm en Ussehut us Glaas, wo s e roote Musterdruck druf het. LED-Lüüchtene im Zwüscheruum zwüsche dr Dämmig und em Glaas sorge z Nacht drfür, ass s Geböid schimmeret. Die äinzigi Öffnig vom Geböid isch dr Iigang, wo nid diräkt an dr Strooss lit.
Es het e Rezepzioon mit ere Iigangskontrolle, wo gsetzlig vorgschriibe isch, meereri groossi offnigi Spiilsääl und um die ume Rüüm für s Servis. Dr oberirdischi vierstöckigi Kubus macht nume öbbe e Driddel vom ganze Bauwoluume us, dr Räscht isch underirdisch, fümf Stöck mit eme dreieggige Grundriss.
Dr Überfall 2010 ändere
Am Sunndig am Morge, am 28. Merz 2010 isch s Grand Casino von ere Grubbe vo zää Manne, wo mit Maschinebistoole und Bistoole bewaffnet gsi si, überfalle worde. Si häi meereri 100'000 Franke gstoole. Es het zu deere Zit het s im Casino öbbe 600 Gest ghaa, d Röiber häi e baar Mol gschosse und e baar vo de Gest si liicht verletzt worde. D Dääter si nie gfasst worde.[2]
Litratuur ändere
- Joachim Fischer: Architektur neue Schweiz. Berlin, Verlagshaus Braun, 2007. ISBN 978-3938780022
Weblingg ändere
Fuessnoote ändere
- ↑ Konzession vom Schwizer Bundesroot
- ↑ http://www.nzz.ch/nachrichten/panorama/grand_casino_basel_ueberfall_1.5318624.html
|
Dä Artikel basiert uff ere fräie Übersetzig vum Artikel „Grand_Casino_Basel“ vu de dütsche Wikipedia. E Liste vu de Autore un Versione isch do z finde. |
Koordinate: 47° 34′ 25″ N, 7° 33′ 50″ O; CH1903: 609426 / 269220