Old Royal Naval College

S Old Royal Naval College, früener Royal Naval College und ursprünglig Greenwich Hospital, z Greenwich isch äins vo de bedütendste Barockbauwärk z Ängland und ghöört sit 1997 zum Wältkulturerb vo dr UNESCO.

S Queen Mary Building vom Old Royal Naval College z Greenwich

Dr William III. het s 1696 as Hospital für alti und verwundeti Seelüt noch em Vorbild vom Hotel des Invalides z Bariis lo baue.Dr Christopher Wren und si Assistänt Nicholas Hawksmoor häi d Blään gmacht und uf e Bezaalig verzichdet. Die erste Bangsionär si 1705 iizooge, d Kapälle isch aber erst 1752 fertig worde.

Vo 1873 bis 1998 si d Geböid as Royal Naval College brucht worde, wo us Portsmouth do aane verläit worde isch. Hüte si si Däil vo dr Universidäät Greenwich, im King Charles’ Block befindet sich s Trinity College of Music.

Weblingg

 Commons: Royal Naval College – Sammlig vo Multimediadateie

• UNESCO World Heritage Centre: Maritime Greenwich
• Website vom Old Royal Naval College

Fuessnoote

Dä Artikel basiert uff ere fräie Übersetzig vum Artikel „Old Royal Naval College“ vu de dütsche Wikipedia. E Liste vu de Autore un Versione isch Royal Naval College&action=history do z finde.

51.483333333333-0.0055555555555556