D Räise vom Gulliver

D Räise vom Gulliver (hochdütsch: Gullivers Reisen, uf änglisch: Gulliver’s Travels) isch s bekanntiste Wärk vom irische Schriftsteller, anglikanische Briester und Politiker Jonathan Swift.

In dr Originaalfassig bestoot s Buech us vier Däil und isch 1726 under em Ditel Travels into Several Remote Nations of the World in Four Parts By Lemuel Gulliver, first a Surgeon, and then a Captain of Several Ships veröffentligt worde.

Bsundrigs bekannt isch die zwäidäiligi Chinderbuechusgoob, wo dr Gulliver din zerst s Land vo de Zwärg entdeckt und denn im Land vo de Riise landet. E bekanti düütschi Versioon isch die vom Erich Kästner vo ane 1939. Im Chinderbuech feele die sozialkritische und satirische Posizioone.

Der Name vo dr Hauptfigur Lemuel Gulliver isch ufs änglische Wort “gullible” gmünzt; das bedüütet öpe «simpel» oder «liechtglöibig» und basst zum naive Charakter vom Gulliver.

Inhalt

S satirische Wärk isch in vier Däil iidäilt, wo de vier Räise vom Gulliver entspräche:

uf Liliput, ins Land vo de zwärghafte Liliputaner
uf Brobdingnag, ins Land vo de Riise
uf Laputa, Balnibarbi, Glubbdubdrib, Luggnagg und Japan
ins Land vo de Houyhnhnms und Yahoos, wo d Houyhnhnms, wo Ross si, as vernünftigi und friidligi Wääse beschriibe wärde, wäärend d Yahoos, d Mensche, bösartig und vo Lust driibe si.

Litratuur

Eddy, W.A.: Gulliver's Travels. A Critical Study. Princeton (NY) 1923.
Dege, S.: Utopie und Satire in Swifts Gulliver's Travels. Frankfurt 1934.
Orwell, George: An Examination of Gulliver's Travels. In: Shooting an Elephant and other Essays. London 1950.
Passmann, D.F.: Gulliver's Travels und die Reiseliteratur vor 1726. Frankfurt 1987.
Swift, Jonathan in: Kindlers Neues Literaturlexikon. Kindler, Münche 1991

Weblingg

Commons: Gullivers Reisen – Sammlig vo Multimediadateie

Gullivers Reisen mit Biografie, dütsch PDF (32,87 MB)
D Räise vom Gulliver uf Änglisch mit ere dütsche Übersetzig
Dr komplett Teggst uf Änglisch (Project Gutenberg)
Digitalisierte Volltext vo Gullivers Reisen bi Zeno.org, dütschi Übersetzig.
Gulliver’s Travels (1939) in dr Internet Movie Database
Gulliver’s Travels (1977) in dr Internet Movie Database
Los Viajes de Gulliver (1983) in dr Internet Movie Database
Gulliver’s Travels (1992) in dr Internet Movie Database
Gulliver’s Travels (1996) in dr Internet Movie Database
„Ist Swifts Gullivers Reisen (1726) Science Fiction?“ vom Adam Roberts (Memento vom 11. Novämber 2007 im Internet Archive)