Hélène Rousseaux
D’ Hélène Rousseaux 
[elɛn ʁuso](info) (Ehanàmma: Hélène Rousseaux-Feray; * 25. Septamber 1991 z’ Jette, Regioon Brüssel-Hàuiptschtàdt) ìsch a belgischa Volleybàllschpììlera, wo àls Üssa-n-ààgrìffera schpììlt. Zamma mìt’m Volero Züri ìsch sa zwaimol Schwiizer Maischtera un Pokààl-Siigera gsìì. D’rnooh hàt sa ìn mehrera öiropäischa Lander gschpììlt, un hàt amol mìt’m polnischa Verain MKS Muszyna dr öiropäischa CEV-Cup gwunna. D’rzüa ìsch sa Mìtglììd ìn dr belgischa Nàzionààlmànnschàft gsìì.
| Hélène Rousseaux | |
| |
| D’ Hélène Rousseaux ìm Triko vu dr belgischa Mànnschàft ànna 2014 | |
| Porträt | |
|---|---|
| Geburtsdag | 25. Septamber 1991 |
| Geburtsort | Jette, Belgia |
| Greßi | 1,88 m |
| Position | Üssa-n-ààgrìffera |
| Verain | |
| 2008–2009 2009-2011 2011–2012 2012–2013 2013–2015 2015–2016 2016–2016 2016–2017 2017–2019 2019–2020 2020–2021 2021–2022 2022– |
 VBT Vilvoorde Volero Züri Budowlani Łódź MKS Muszyna LJ Volley AGIL Volley Busto Arizio Beşiktaş Developres Rzeszów Nilüfer Belediye Hyundai Hillstate PTT Spor Kulübü Volley Mìlhüüsa Elsàss
|
| Nationalmannschaft | |
àb 2009 |
Belgia U–20 Belgia
|
| Erfolg | |
| 2009/10 2010/11 2012/13 2013/14 2014/15 2018/19 2022/23 |
Schwiizer Maischtera Schwiizer Cup-Siigera Schwiizer Supercup-Siigera 3. Plàtz (Top Volley International) Schwiizer Maischtera Schwiizer Cup-Siigera Schwiizer Supercup-Siigera 1. Plàtz (Top Volley International) Drìtta ìm Poola-Pokààlwättbewarb 1. Plàtz (CEV-Cup) Drìtta ìm Itàlia-Pokààlwättbewarb Zwaita ìm Itàlia-Pokààlwättbewarb Drìtta ìn dr polnischa Maischterschàft Frànkrììch-Schpìtzapokààl-Siigera |
|
Stand: 22. Oktober 2022 | |
| Dialäkt: Mìlhüüserdiitsch |
ìhra Fàmìlia
ändereD’ Hélène Rousseaux ìsch ìn’ra Volleybàll-Fàmìlia uff d’ Walt kumma. Sa ìsch d’ Tochter vum Volleybàllträäner Émile Rousseaux un d’ Schwaschter vum Nàzionààlschpììler Tomas Rousseaux. Ìhra Müatter Karin Wallyn un ìhr Brüader Gilles Rousseaux hann àui Volleybàll gschpììlt.[1][2]
Ìm Jüüli 2021 hàt d’ Hélène Rousseaux dr serbisch-tìrkischa Volleybàllträäner Faruk Feray Džanković ghiiroota.[3][4]
ìhra Verainskàrriar
ändereNoh ainem Joohr ìm Verain vu Vilvoorde neerdlig vu Brüssel ìsch d’ Rousseaux ànna 2009 ìn dr Schwiizer Verain Volero Züri gànga ge schpììla. Mìt dr Verainsmànnschàft hàt sa ànna 2009/10 un 2010/11 d’ Schwiizer Nàzionààlmaischterschàft, dr Schwiizer Cup so wia dr Schwiizer Supercup gwunna. Naawadràà ìsch sa mìt Züri uff Plàtz 5 vu dr CEV-Champion’s League 2010/11 ànakumma. Ànna 2011/12 ìsch sa zamma mìt’m Verain Budowlani Łódź Fìmfa ìm polnischa Pokààlwättbewarb gsìì. Ànna 2012/13 ìsch sa zamma mìt’m MKS Muszyna uff Plàtz 3 ìn dr polnischa Nàzionààlmaischterschàft un ìm Pokààlwättbewarb ànakumma. Ìm gliicha Joohr hàt sa mìt’m Verain dr CEV-Cup gwunna; noh dr Hàlbfinààla geega dr rüssischa Omitschka Omsk hàt sìch ìn dr Rousseaux ìhra Mànnschàft ìm Andschpììl geega dr tìrkischa Fenerbahçe zwaimol mìt 3:2 duuragsätzt. Ìm saalwa Joohr ìsch àui d’ Verainsmànnschàft uff Plàtz 14 bii dr Champion’s League ànakumma.
D’ Saison 2013/14 hàt d’ Rousseaux biim itàlianischa Verain LJ Volley z’ Modena gschpììlt. Mìt dara Mànnschàft ìsch sa Säckschta ìn dr itàlianischa Maischterschàft un Drìtta ìm Itàlia-Pokààlwättbewarb gsìì. Ìm Joohr druff ìsch sa zamma mìt dr saalwa Mànnschàft Fìmfta ìn dr Nàzionààlmaischterschàft un Zwaita ìm Pokààlwättbewarb gsìì. D’ Schpììlzitt 2015/16 hàt sa biim Verain vu Novara (AGIL Volley) ààgfànga, un d’rnooh biim Verain vu Busto Arizio witter gschpììlt —daa Verain ìsch uff Plàtz 9 ìn dr Nàzionààlmaischterschàft ànakumma. D’ Saison 2016/17 hàt sa biim tìrkischa Beşiktaş İstanbul gschpììlt. Doo ìsch sa Àchta bii dr tìrkischa Nàzionààlmaischterschàft gsìì.
Àm And vu dr Saison 2016/17 ìsch d’ Rousseaux ìn Poola z’ruckkumma. Sa ìsch zwai Joohra làng biim Developres Rzeszów blììwa. Doo ìsch sa uff Plàtz 4 ìn dr polnischa Maischterschàft ànakumma; sa ìsch àls Top Scorer so wia Bäschta-n-Ààgrìffera vu dr Liga üsszaichent worra. Züadam ìsch sa bis àm Plàtz 9 vu dr Champion’s League glunga. Ìm Joohr 2018/19 hàt sa d’ Bronza-n-üssazichnung ìn dr polnischa Maischterschàft bikumma, wia àui d’ Sìlwerüsszaichnung ìm nàzionààla Pokààlwättbewarb. D’ Saison 2019/20 hàt sa biim tìrkischa Verain Nilüfer Belediye gschpììlt; obwohl d’ lätschta Schpììler vu dr Nàzionààlmaischterschàft waga dr COVID-19-Pàndemii àbgsajt worra sìnn, ìsch d’ Rousseaux àls Bäschta Üssa-n-ààgrìffera vu dr Liga ärnännt worra. Ànna 2020/21 hàt sa ìn Südkoreà gschpììlt. Doo ìsch sa mìt’m Verain Hyundai Hillstate Säckschta ìn dr Nàzionààlmaischterschàft un Viarta ìm nàzionààla Pokààlwättbewarb gsìì. Ìm Joohr 2021/22 ìsch sa zamma mìt’m PTT Spor Kulübü bis àm Plàtz 5 ìn dr tìrkischa Nàzionààlmaischterschàft glunga.
Ìm Mai 2022 ìsch d’ Rousseaux ìn dr Volley Mìlhüüsa Elsàss gànga ge schpììla.[4] Mìt Mìlhüüsa hàt sa ìm Oktoower 2022 dr Schàffhüüser Turniar gwunna,[5] un d’rnooh dr Frànkrììch-Schpìtzapokààl geega Le Cannet ìm gliicha Moneet.
ìn dr Nàzionààlmaischterschàft
ändereD’ Rousseaux ìsch z’äärscht Mìtglììd ìn dr belgischa Nàzionààlmànnschàft vu da U–20 gsìì. Mìt dara Mànnschàft ìsch sa ànna 2008 bis àm Plàtz 7 vu dr Öiropàmaischterschàft vu da Junioora glunga.
Àb 2009 hàt sa zamma mìt dr A-Nàzionààlmànnschàft gschpììlt. Bii dr Öiropàmaischterschàft 2009 ìsch sa mìt dr Mànnschàft uff Plàtz 9 ànakumma. Ànna 2013 ìsch sa mìt Belgia Drìtta ìn dr Öiropàmaischterschàft un Zwaita ìn dr CEV-Guldaliiga gsìì. Ànna 2014 hàt sa àn dr Waltmaischterschàft ìn Itàlia mìtgmàcht, wu Belgia uff Plàtz 14 ànakumma-n-ìsch.
ìm Beachvolleybàll
ändereÌm Beachvolleybàll hàt d’ Rousseaux àb 2019 zamma mìt dr Nina Coolman gschpììlt. Mìt ìhra ìsch sa ànna 2019 Fìmfta ìn dr belgischa Maischterschàft gsìì. Ànna 2021 hàt s’ Düätt àm Belgia-Tour mìtgmàcht: ìm Turniar vun Ypres sìnn sa Zwaita gsìì, un ìm Turniar vu Kortrijk sìnn uff Plàtz 4 gsìì.
Weblìnks
ändere
Commons: Hélène Rousseaux – Sammlig vo Multimediadateie- d’ Hélène Rousseaux ìn dr Dàtabànk vum Öiropäischa Volleybàll-Bund CEV (uff Anglisch)
- d’ Hélène Rousseaux ìn dr Dàtabànk vu WorldofVolley (uff Anglisch)
- d’ Hélène Rousseaux ìn dr Dàtabànk vu Volleybox (uff Hoochdiitsch)
- d’ Hélène Rousseaux ìn dr Global Sports Archive (uff Anglisch)
Ainzelnoohwiisa
ändere- ↑ Laurent: Les Rousseaux, une famille de champions ! In: Volleynews.be. 1. Juli 2013, archiviert vom Original am 9. September 2022; abgruefen am 24. Oktober 2022 (französisch).
- ↑ Nathalie Dumont: Trois enfants volleyeurs, deux internationaux. 10. Februar 2017, archiviert vom Original am 23. Oktober 2022; abgruefen am 24. Oktober 2022 (französisch).
- ↑ Helene Rousseaux ile Faruk Feray Dzankovic çifti dünya evine girdi. In: Voleybol Magazin. 23. Juli 2021, archiviert vom Original am 27. September 2021; abgruefen am 23. Oktober 2022 (türkisch).
- ↑ 4,0 4,1 Christian Entz: Hélène Rousseaux, le premier gros coup de l'ASPTT Mulhouse. In: L’Alsace. 15. Mai 2022, abgruefen am 24. Oktober 2022 (französisch).
- ↑ Nicolas Lobjoie: Volley-ball. Le Volley Mulhouse Alsace remporte le tournoi de Schaffhouse. In: L’Alsace. 2. Oktober 2022, archiviert vom Original am 24. Oktober 2022; abgruefen am 23. Oktober 2022 (französisch).