Hans-Peter Bärtschi
Dr Hans-Peter Bärtschi (* 23. Februar 1950 z Winterthur; † 2. Februar 2022[1]) isch e Schwyzer Architäkt, Autor un Fotograf un au Tächnik- un Wirtschaftshischtoriker gsii.
Uusbildig un Beruef ändere
Dr Bärtschi het ab 1969 an dr ETH Züri unter anderem bim Aldo Rossi studiert, bi däm het er au sy Diplomarbet iber d Umnutzig vum Zürcher Kaserneareal gmacht. Sy Dissertation iber «Industrialisierung, Eisenbahnschlachten und Städtebau» het er bim Jean-François Bergier gschribe, 1980 het er promoviert. Scho in dr Zyt vum Studium het er si fir dr Erhalt vu Kulturgieter in dr Struktur vu dr Architäktur engaschiert. Är het anne 1979 d «ARIAS-Industriekultur»[2] grindet, go d Dokumentation un Reschtaurierig vu Induschtrydänkmol megli mache. Glychzytig het er in verschidene Museum rund 100 Uusstellige zur Induschtrygschichte kuratiert, wie zum Byschpel syt 1981 fir di ehmolig Bierbröuerei Mühlerama.
Derzue het dr Bärtschi iber 30 Biecher im Beraich Tächnik, Architäktur un Böutächnikgschicht, au fir Radio- un Färnsehsändige publiziert.[3][4] Är het rund 350'000 Foto gmacht zur Induschtry-Arbetswält, wun er zäme mit syre Frau Sylvia Bärtschi-Baumann in d Stiftig Induschtykultur iberfiert un däre vermacht het. Zurzyt wäre die Foto vu dr ETH digitalisiert un unter freier CC-Lizänz online gstellt.
Dr Pionier vu dr «Schweizer Industrie-Archäologie»[5] isch, wien er sälber gschribe het, «zwischen der Giesserei Rieter, der Lokomotiven-Fabrik und dem Eisenbahn-Stellwerk» ufgwagse, un het fir d «Rettung von Zeugen der grossen industriellen Ära der Schweiz» un gege dr aisytig Mythos vum Buure-Landidyll kämpft.[5]
Rezeption ändere
E Hufe Verlag, wu dr Bärtschi vereffetligt het, hän en gwirdigt: «Bärtschi ist ein Industrie-Erotiker. Er kennt jede Maschine, jeden Prozess, jeden Werkstoff»[6] un «Hans-Peter Bärtschi ist ein Besessener. Das industrielle Zeitalter in der Schweiz aufzuarbeiten, ist sein Lebenswerk. (…) Und er ist ein wandelndes Lexikon; ein gutes, das nicht nur Begriffe nennt, sondern auch Zusammenhänge kennt».[7]
Uusgläseni Wäärch ändere
- Zürich als Industriestadt in: «Schweiz», Zürich, Schweizerische Verkehrszentrale Jg. 53, H. 11 1980, S. 1–32.
- Industrialisierung, Eisenbahnschlachten und Städtebau, Basel, Birkhäuser 1983.
- Die Siedlungsstadt Winterthur, Bern, Gesellschaft für Schweizerische Kunstgeschichte 1989.
- Winterthur. Industriestadt im Umbruch, Wetzikon, Buchverlag der Druckerei Wetzikon 1990.
- Industrielehrpfad Zürcher Oberland, Wetzikon, Buchverlag der Druckerei Wetzikon 1991.
- Wohnungsbau und Siedlungsentwicklung, Chronos 1999
- Der Osten war rot, Chronos 2008.
Weblink ändere
Commons: Hans-Peter Bärtschi – Sammlig vo Multimediadateie- Bildbestand Stiftung Industriekultur uf ETH e-pics, frei verfiegbar
- Hans-Peter Bärtschi uf fotoCH, unterstitzt vu Bundesamt für Kultur, Memoriav, Sophie und Karl Binding Stiftung, Burgergemeinde Bern etc.
- Websyte Schweizerische Gesellschaft für Technikgeschichte und Industriekultur
- Websyte Industriekultur Schweiz
- Websyte Arias Industriekultur
Fueßnote ändere
- ↑ Traueranzeige. In: Tagesanzeiger. Abgruefen am 4. Februar 2022.
- ↑ Architektur Industriearchäologie Stadtentwicklung
- ↑ Kurzbiografie Bärtschis im Chronos Verlag
- ↑ Karl-Eugen Kurrer: Report on the State of Construction History in Austria, Germany and Switzerland. In: Construction History. Research Perspectives in Europe, ed. by Antonio Becchi, Massimo Corradi, Federico Foce and Orietta Pedemonte, pp. 61–112 (hier p. 107f.), Florence: Kim Williams Books 2004, ISBN 88-88479-11-2.
- ↑ 5,0 5,1 Armando Mombelli: Industrie sorgte für Wohlstand in der Schweiz, Swissinfo, 31. Augschte 2012
- ↑ Kritik zu seinem Buch Die industrielle Schweiz – vom 18. ins 21. Jahrhundert in Work vum 15. April 2011 uf Hier-und-Jetzt-Verlag
- ↑ Kritik zu seinem Buch Die industrielle Schweiz – vom 18. ins 21. Jahrhundert in Der Landbote vum 30. April 2011 uf Hier-und-Jetzt-Verlag
|
Dä Artikel basiert uff ere fräie Übersetzig vu dere Version vum Artikel „Hans-Peter_Bärtschi“ vu de dütsche Wikipedia. E Liste vu de Autore un Versione isch do z finde. |