S Huus für elektronischi Künst Basel

E Schwizer Museum
Dialäkt: Baseldütsch

S Huus für elektronischi Künst Basel (churz HeK oder au H3K) isch e Zentrum für zitgenössischi Kunst, wo elektronischi Medie verwändet und reflektiert, wie si brucht wärde. Es isch 2011 eröffnet worde und befindet sich uf em Dreispitzareal z Basel/Münchestäi.

Strukduur und DäätigkäitBearbeite

S Huus für elektronischi Künst Basel veräinigt d Aktividääte vom Forum für nöiji Medie [plug.in], wo iigstellt worden isch und vom Festival vo de elektronische Künst Shift, wo immer no veraastaltet wird, und erwiterrt sä um Frooge vo dr Sammligsmethodik vo digitaler Kunst. D Instituzioon wird vo dr Stifdig Huus für elektronischi Künst Basel dräit, wo d Christoph Merian Stifdig und d Veräin vo de Vorgängerinstituzioone [plug.in] und Shift mit em Kanton Basel-Stadt am Aafang vo 2011 gründet häi.

S HeK schafft mit Künstler, Forscher und verwandte Iniziative und Instituzioone im In- und Usland zämme und bietet e Büüni, zum sich mit dr elektronische und digitale Kultuur usenanderzsetze. Si Hauptufgoob si zitgenössischi Kunstbrojekt, wo nöiji Medie bzw. Technologie verwände und wo s Thema von ene isch, wie sich dr alldääglig Mediegebruuch kulturell und gsellschaftlig uswirkigt, die Brojekt vorzstelle und z vermiddle. Es beschäftigt sich au no mit em Konserviere, em Archiviere und em Dokumentiere vo digitaler Kunst. Näbe de permanänte Aktividääte organisiert s Huus für elektronischi Künst au s Festival Shift, wo sit 2007 jeedes Joor stattfindet und mit Usstelligs- und Vorfüerigsbrogramm und mit Gsprööch mit Künstler und mit wüsseschaftlige Vordrääg uf die aktuelle Ändrige im Beriich vo dr elektronische Kultuur ufmerksam macht.

Lueg auBearbeite

WeblinggBearbeite

  Dä Artikel basiert uff ere fräie Übersetzig vum Artikel „Haus_für_elektronische_Künste_Basel“ vu de dütsche Wikipedia. E Liste vu de Autore un Versione isch do z finde.

Koordinate: 47° 33′ 17″ N, 7° 36′ 5,8″ O; CH1903: 612268 / 267125