Helen Heberer

Dialäkt: Undermarkgreflerisch

D Helen Heberer (* 28. Dezämber 1950 z Mannem) isch e dytschi Sprocherzieheri un Bolitikeri (SPD). Si isch vu 2006 bis 2016 Mitglid vum Landdag vu Bade-Wirttebärg gsii.

d Helen Heberer

Uusbildig un Beruef

No dr Schuel het d Heberer Birochauffrau glehrt un e Diplom Institut für Wirtschaftskommunikation und Welthandelssprachen.gmacht. Si het as Ibersetzeri un Dolmetscheri gschafft un dernaäbe an dr Pedagogik studiert. An dr der Walldorfschuel z Mannem het si derno as Lehreri fir Sport un Sproche unterrichtet. Ab 1980 het si ne Lehr gmacht as Sprächerzieheri un Sprochtherapeuti un derno in ere Klinik in dr Schwyz as Sprochtherapeuti gschafft. Syter anne 1990 isch si Dozänti fir Sprächerziehig un Theaterpedagogik an dr Freie Hochschuel fir anthroposophischi Pedagogik z Mannem.

Bolitik

Vu 1997 bis 2003 isch si Vorsitzeri vu dr Arbetsgmainschaft vu sozialdemokratische Fraue z Mannem gsii un vu 2001 bis 2008 Chraisvorsitzeri vu dr SPD Mannem. 10 Johr lang, vu 2001 bis 2011, isch si Mitglid im Landesvorstand vu dr bade-wirttebärgische SPD gsii. Syter anne 1999 ghert d Heberer em Gmaitroot vu dr Stadt Mannem aa.

Bi dr Landdagswahl 2006 het d Heberer im Wahlchrais 36 (Mannem-Sid) 29,4 % vu dr Stimme iberchuu un isch dodermit iber e Zwaitmandat in Landdag gwehlt wore. Bi dr Landdagswahl 2011 het si 27,9 % gwunne un isch wider iber e Zwaitmandat in Landdag gwehlt wore. Bi dr Landdagswahl 2016 isch si nimi aadrätte.

Im Landdag isch si Mitglid vum Uusschuss fir Wisseschaft, Forschig un Chunscht gsii, vu 2011 bis 2016 as Vorsitzeri. Derzue isch si Mitglid im Europauusschuss gsii. Fir ihri Fraktion isch si Sprächeri fir Kulturbolitik gsii

Näb ihrem Landdagsmandat het si au no as Dozänti an dr Akademy fir Waldorfpedagogik un as freiberuefligi Sprächerzieheri im Wirtschafts- un Medieberaich gschafft.

Sunschtig Engaschmänt

• Mitglid im Ufsichtsroot vum Klinikum Mannheim gGmbH
• Mitglid im Ufsichtsroot vu dr Popakademie Baden-Württemberg GmbH
• Mitglid im SWR Rundfunkrot (Rundfunkrot, Programmuusschuss Kultur, Uusschuss Rächt un Tächnik, Landesrundfunkrot Baden-Wirttebärg, Landesprogrammuusschuss Bade-Wirttebärg)
• Vorsitzeri vu „friends of pop – Freundeskreis der Popakademie Baden-Württemberg“
• Stellverdrättendi Vorsitzeri vu dr „Freunde und Förderer Nationaltheater Mannheim“
• Vorsitzeri vum „Freundeskreis Marchivum“
• Stellverdrättendi Vorsitzeri vum „Förderverein Kurpfälzisches Kammerorchester“
• Mitglid im Kuratorium vu dr „Akademie für gesprochenes Wort“
• Vorsitzeri vu „Stadtbild Mannheim“
• Mitglid im Stiftigsroot vum Technoseum
• Ehremitglid im Vorstand vu dr „Turngemeinschaft Mannheim“
• Laitig vum Ortskuratorium vu dr „Deutsche Stiftung Mannheim“
• Mitglid im Kuratorium vu dr Staatlige Toto-Lotto GmbH Bade-Wirttebärg
• Mitglid im Verwaltigsroot vu dr „Mannheimer Abendakademie und Volkshochschule Mannheim GmbH“
• Vorsitzeri vu dr „Turngemeinschaft Mannheim/Landesleistungszentrum Kunstturnen“
• Mitglid im Verwaltigsroot vum Badische Staatstheater Karlsruhe
• Mitglid im Verwaltigsroot vu dr Wirttebärgische Staatstheater Stuegert
• Mitglid im „Denkmalbeirat Baden-Württemberg“
• Mitglid im Fachbyroot „Kulturelle Bildung“ vu dr Landesregierig
• Mitglid im „Frauen-Kultur-Rat Mannheim“
• ‚Vorsitzeri vum Byroot vu dr Chunschtstiftig Bade- Wirttebärg gGmbH
• Mitglid im Kulturunteruusschusses vu dr Baden-Württemberg Stiftung gGmbH
• Mitglid bi dr AIDS-Hilfe
• Mitglid bi dr Europa-Union
• Mitglid bi dr Kulturpolitischen Gesellschaft e. V.
• Mitglid bi dr „Klapsmühl’ am Rathaus“
• Mitglid bi dr Zonta-Frauen

Familie un Privats

D Helen Heberer isch evangelisch un verwitwet. Si läbt z Mannem un spiilt in ihre Freizyt Bass.

Weblink

 Commons: Helen Heberer – Sammlig vo Multimediadateie

• Websyte vu dr Helen Heberer
• Abgeordneten-Handbuch des Landtags von Baden-Württemberg für die 15. Wahlperiode (PDF-Datei; 2,9 MB)]