Helli Stehle
D Helene «Helli» Louise Stehle (* 6. Dezämber 1907 z Basel; † 27. Augschte 2017 ebe dert[1]) isch e Schwyzer Schauspiileri un Radiomoderatori gsii. Si isch ab 1939 di erscht wybli Nochrichtesprächeri vu dr Schwyz gsii.[2]
Lääben un Karriere
ändereD Stehle isch z Basel ufgwachse un het in dr 1920er-Johr am Konservatorium Basel bim Oskar Wälterlin, dr Lucie Lissl un dr Rosalia Chladek en Uusbildig as Schauspiileri gmacht.[2] Derno het si 1929 bis 1932 am Stadttheater Basel gspiilt. Ab dr spote 1920er-Johr, het si bim Radiostudio Basel vum Schwyzer Landessänder Beromünschter gschafft.[2] Zerscht isch d Stehle bi dr Heerspiielgruppe vum Studio Basel gsii, wu si Gedicht rezitiert oder bi Heerspiil mitwirkt het. Dernäbe het d Stehle versuecht, as Schauspiileri au an dytsche Bihnine Fueß z fasse.[3]
Noch em Uusbruch vum Zweete Wältchrieg isch d Stehle fescht bim Radiostudio Basel engaschiert wore un het in dr Chriegsjohr as erschi wybligi Aasageri un Nochrichtesprächeri gwirkt, wel ihri männlige Kollegen in dr Aktivdienscht yyzoge wore sin.[4] Noch em Chrieg isch d Stehle as Aasageri bim Radio bliben un isch schließli zue dr Schefsprächeri beferderet wore.[5] In däre Funktion het d Stehle au jungi Nochrichtesprächer uusbildet.[4] Derzue het si bi verschidene Radioheerspiil mitgwirkt un het bi ne Dail au Reschy gfiert. Dernäbe het mer d Stehle au als as Schauspiileri chenne sää, zem Byschpel anne 1966 mit em Heinrich Gretler in De Tod uf em Oepfelbaum.[6] 1967 isch si pänsioniert wore.[3]
D Stehle het si e Lääbe lang fir s Baseldytsch un s Schwyzerdytsch im Allgmaine engaschiert.[4] Vor ihrem Dod im Alter vu 109 Johr isch si di letscht läbig Schwyzeri gsii.[7][8]
Weblink
ändere- Thomas Blubacher: Helli Stehle. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 1738 f.
- Helli Stehle in dr Internet Movie Database
- Reportasch iber d Helli Stehle (2008)
- Bricht zue s Stehles 103. Geburtstag mit Radiosändig vu 1997
- Bricht iber s Stehles 108. Geburtstag 2015
- Färnsehbricht iber s Stehles 109. Geburtstag 2016
Fueßnote
ändere- ↑ Radiopionierin Helli Stehle mit 109 Jahren gestorben. uf: srf.ch vom 28. Augschte 2017
- ↑ 2,0 2,1 2,2 Thomas Blubacher: Helli Stehle. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 1738 f.
- ↑ 3,0 3,1 Erste Radiosprecherin der Schweiz feiert ihren 100. Geburtstag. Männerbastion während Aktivdienst gestürmt. Neue Zürcher Zeitung. 4. Dezämber 2007, abgruefen am 16. Oktober 2016.
- ↑ 4,0 4,1 4,2 Edith Lier: Augenzeuge Helene Stehle «Wie ein Geier wachte ich über die Aussprache meiner Kollegen». Beobachter. 6. Februar 2008, abgruefen am 16. Oktober 2016.
- ↑ Muriel Mercier: 108. Geburtstag. Helene Stehle, älteste Baslerin und Pionierin beim Radio Beromünster. Basellandschaftliche Zeitung. 5. Dezämber 2015, abgruefen am 16. Oktober 2016.
- ↑ Helli Stehle in dr Internet Movie Database
- ↑ Countries Data. (Memento vom 29. Augschte 2017 im Internet Archive) The 110 Club. 19. Dezember 2015, abgruefen am 16. Oktober 2016.
- ↑ Countries Data. The 110 Club, 10. Mai 2017, archiviert vom Original am 29. August 2017; abgruefen am 8. Juni 2017.
|
Dä Artikel basiert uff ere fräie Übersetzig vu dere Version vum Artikel „Helli_Stehle“ vu de dütsche Wikipedia. E Liste vu de Autore un Versione isch do z finde. |