Helvetia auf der Reise

«Helvetia auf Reisen» isch e Skulptur am Chläibaasler Kopf vo dr Middlere Brugg. Es isch äins vo de Kulturgüeter z Baasel, wo für d Region vo Bedütig si.

Dialäkt: Baseldütsch

D Skulptur us Bronse isch 1980 vo dr Bärner Bildhauere Bettina Eichin gmacht worde. Si zäigt d Helvetia as Frau, wie si uf em Zwäifränggler vorchunnt. Si het iire Speer und iir Schild abgläit und sä mit iirem Koffer hinde am Gländer vo dr Brugg aanegstellt und sitzt oobe uf em Gländer und luegt dr Rhii aabe. Uf ere Daafele stoot die Erkläärig vo dr Künstlere: Eines Tages verlässt Helvetia ein Zweifrankenstück, mischt sich unter das Volk und unternimmt eine längere Reise. Unterwegs kommt sie auch nach Basel. Nach einem anstrengenden Gang durch die Stadt stellt sie Schild, Speer und Koffer ab, legt den Mantel über die Brüstung und ruht sich aus und blickt nachdenklich rheinabwärts.

Für die Skulptuur het d Eichin 1980 dr erst Briis bim Wettbewärb «Middleri Rhiibrugg Baasel» vom Baasler Kunstkredit bekhoo.

D Statue vo hinde
D Daafele mit dr Erkläärig vo dr Eichin

Kwelle

Weblingg

Commons: D Helvetia uf Raise – Sammlig vo Multimediadateie