Herrschaft Grasburg

D Herrschaft Grasburg isch es historischs Territorium uf em Gebiet vom hütige Kanton Bärn.

s Wappe vo de Herrschaft Grasburg

D Gränze vo der alte Herrschaft entspräche dene vom ehemolige Amtsbezirk Schwarzeburg, wo’s bis zum Ändi vom Joor 2009 gää het.

Gschicht

D Herrschaft het ihre Name vo de Grasburg, wo uf em Gmeindsbann vo de hütige Gmeind Waalere ligt. Grasburg isch es alts Läche vom Riich gsi, wo im Mittelalter i de Händ vo de Kyburger gläge-n-isch. Wo das Gschlächt im 1264i usgschtorben isch, isch s Läche an d Habsburger gfalle. Im Joor 1310 hei d Habsburger wäge Gältmangel d Herrschaft Grasburg a Savoye verpfändet, wo s denn als Pfand de Stadt Fryburg witergäh het. Im 1423 hei d Savoyer d Herrschaft a Fryburg und Bärn verchauft, wo s Gebiet – abgseh vo de Johr 1448 bis 1455, wo Bärn eleige d Herrschaftsrächt usgüebt het – bis zu der Uflösig vo de Alte Eidgnosseschaft im 1789i als gmeini Herrschaft zäme verwaltet hei.

I der Helvetik isch d Herrschaft Grasburg zum Kanton Bärn cho.