Hispanie

Hispanie (iidütscht) oder Hispania isch in dr Antike dr latiinisch Naame für die Iberischi Halbinsle gsi. Au die römisch Browinz dörte und in dr Spootantike d Diözese häi eso ghäisse.

e Charte vo de Browinze Hispania citerior und Hispania ulterior, noch em Heinrich Kiepert, 1861

de Herakles mit em kretische Stier; es Mosaik vo Llíria bi Valencia, ersti Hälfti vom 3. Johrhundert

Etymologii

Es isch mööglig, ass dr Naame Hispania vom fönizische Usdruck I-Shapan-im (s Land vo de Schliefer) chunnt, wil d Fönizier d Chüngeli, wo si dört gsee häi, für Schliefer ghalte häi; die het s dört aber nie gee. E römisch-müthologischi Dütig noch em Plinius und em Plutarch säit, ass d Bezäichnig uf e Gott Pan zruggoot, wo zämme mit em Bacchus Iberie erooberet häig und denn vom Bacchus dört as Statthalter zrugggloo worde sig.

En anderi Erklärig macht e Beziejig zum Oobestärn; die Alte Grieche häige für s Land Hispanie, wil s wit äwag am westlige Ändi vom Middelmeer gsi isch, dr Name Hesperia brucht, aagleent an dr Oobestärn Hesperos, wo am westlige Oobehimmel erschint.

Litratuur

• Walter Trillmich und Annette Nünnerich-Asmus (Hrsg.): Hispania Antiqua – Denkmäler der Römerzeit. von Zabern, Mainz 1993, ISBN 3-8053-1547-3

Weblingg

 Commons: Hispanie – Sammlig vo Multimediadateie

• HISPANIA: A Map of Roman Spain and Portugal.
• Hispania uf aquela.com (Memento vom 5. Septämber 2003 im Internet Archive)
• Seminararbeit über die hispanische Stadt im römischen Kaiserreich uf hispanien.de (Memento vom 19. Juli 2016 im Internet Archive)

Dä Artikel basiert uff ere fräie Übersetzig vum Artikel „Hispanien“ vu de dütsche Wikipedia. E Liste vu de Autore un Versione isch do z finde.