Hochfirstschanze

D' Hochfirstschanze z'Titisee-Neistadt isch die gröscht Naturschanze vu Dütschland. Säll heisst, dass im Gegesatz zue vile andere Skisprungalage kei künstliche Turm fer dr Alauf baut worre isch, sundern defür s'natürlich Gfälle vum Hang usgnutzt wird. D'Schanze isch nooch em Berg Hochfirst (1192 m) im Schwarzwald benennt, wo si dra lit.

Anno 1932 wird die erste Hochfirstschanze baut, domols noch as e 60m-Schanze. Die gross Hochfirstschanze entstoht anno 1950 mit eme kritische Punkt vu 80 m. In dr Folgejohre entstehn diversi Umbaute an dr Schanze. Die mit rund 3,7 Mio € umfangriichst anno 2001 het defir gsorgt, dass d'Sprunganlag in dr FIS-Continental-Cup het ufgnumme werre känne. Hützuedag het d'Hochfirstschanze e K-Punkt vu 125 m.

Am 22. Januar 2011 het dr Manuel Poppinger dr aktuelle Schanzerekord mit 147,5 m ufgstellt.

Technischi Date

Neigigswinkel am K-Punkt: 35,86°
Neigigswinkel am Schanzedisch: 11,0°
Alauflängi: 98,1 m
Schanzedischlängi: 6,7 m
Höchi vum Schanzedisch: 3,13 m
Neigig vum Schanzedisch: 11°
K-Punkt: 125 m
Jurywitti: 144 m

Quelle

Infos vum Fremdeverkehrsamt Titsee

Weblink

Commons: Hochfirstschanze – Sammlig vo Multimediadateie

Hochfirstschanze uf skisprungschanzen.com

Koordinate: 47° 54' 15" n. Br., 8° 13' 09" ö. L.

Dä Artikel basiert uff ere fräie Übersetzig vum Artikel „Hochfirstschanze“ vu de dütsche Wikipedia. E Liste vu de Autore un Versione isch do z finde.