ISO 3166-2

Dialäkt: Züridütsch (See)

ISO 3166-2 isch dr zweiti Teil vom Schtandard ISO 3166. Er definiert Codes für Schtaate mit subnationale Einheite und abhängige Gebiete. Es git ca. 3'700 settigi Codes. Sie sind 1998 weltwiit für jedes Land definiert und sitdem erwiiteret worde, sobald en neue Schtaat dezuechunnt. Mit Newsletters, wo sit 2000 erschiined, änderet, oder aktualisieret sie die Iiträäg vom entschprechende Land wenn das nötig wird (z. B. nach ere Verwaltigsreform).

Format

D Codes beschtönd us zwei Teile, wo dur en Bindeschtrich (typografisch au Trennschtrich gnännt) voenand trennt sind. Dr erschti Teil git de Landescode dur ein bis drei Grossbuechschtabe, ein bis zwei Ziffere oder eme alpha-numerische Mix, entschprechend dr Norm ISO 3166 wieder. Dr zweiti Teil beschtaht us ein bis drei alphanumerische Zeiche, wo uf nationale Schtandards basiered.

Änderige

I de folgende Newsletters sind vo dr ISO Änderige bekanntgmacht worde:

Codematrix

D Ländercodes chönnd i dr ISO-3166-1-Kodierlischte nachgschlage werde. Isch dr Ländercode bekannt, isch die folgendi Matrix z verwende, um zur Lischte vo de ISO 3166-2-Codes z glange.

Längi schtaht debii für Aazahl an Zeiche nach em Bindeschtrich. Di einzelne Codetabelle sind nomaal nach dr Art vo de Zeiche uufteilt. Biischpiilswiis händ d Codes für Estland e Längi vo zwei Zahle hinder em Bindeschtrich (EE-37 bis EE-86).

Längi	Alphabetisch	Numerisch	Gmischt
1 Zeiche	AR, BO, EC, FJ, GM, KI, KM, LS, LU, MG, NE, RW, SL, ST, TG, TM, VE	AT, GA, IS	PA
2 Zeiche	AE, AL, AM, AU, AZ, BI, BJ, BN, BR, BS, BW, BY, CA, CD, CF, CH, CL, CM, CS, CV, CZ, DE, DJ, ER, ET, FI, GE, GH, GN, GT, GW, GY, HN, HT, HU, ID, IN, IT, IQ, JO, KW, LA, LB, LR, LT, LV, LY, MD, MU, MW, NA, NG, NI, NL, NP, OM, PK, PL, QA, SB, SH, SK, SN, SO, SR, SV, SY, SZ, TJ, TL, US, UY, UZ, WS, YE, ZA, ZW	BD, BG, BH, CI, CN, CU, CY, DO, DZ, EE, GR, HR, IR, JM, JP, KR, LK, MM, MY, NO, PT, SA, SD, TN, TR, TZ, UA, UM, VN, ZM	BT
3 Zeiche	AO, AF, BA, BE, BF, CZ, FM, GB, KP, KZ, MA, MD, MH, MX, NZ, PE, PG, PH, TT, TW, UG, VU	DK, KE, SI
1 oder 2 Zeiche	kein System: ES, GQ, IE, SE, IL 1 für Regione, 2 für d Hauptschtadt: CR, KG 1 für d Hauptschtadt, 2 für Departments: RO	KH	FR, TH
2 oder 3 Zeiche	keis Syschtem: BZ, EG, TD 2 für Republike, 3 für Schtädt, Regione, Dischtrikte: RU 2 für Schtädt, 3 für Rayons: AZ		MR, MV
1 oder 3	MZ	MN	ML
1 bis 3			CG, PY

Weblink

Dä Artikel basiert uff ere fräie Übersetzig vum Artikel „ISO_3166-2“ vu de dütsche Wikipedia. E Liste vu de Autore un Versione isch do z finde.