Institut national de la statistique et des études économiques

s amtli franzeesisch statistisch Amt

S Institut national de la statistique et des études économiques (Insee; alem Nazionaal Inschtitut fir Statischtik un Wiirtschaftsstuudie) isch s amtli franzeesisch Statistisch Amt mit Sitz z Montrouge bi Paris.[1] S isch anne 1946 grindet woore.

S Inschtitut sammlet un publiziert Informazioone iber di franzeesisch Wiirtschaft un Gsellschaft un fiert d Volkszellig z Frankryych dure. S rächnet d Inflazioonsraat un anderi volkswiirtschaftligi Indikatoore wie d Entwicklig vu dr Produkzioonscheschte uus. Derzue vergit s Insee en Gmaischlissel, dr Code Insee, wu vum poschtalische Code abwyycht, go di franzeesische Gmaine aidytig z idäntifiziere. S Amt fiert au ne Regischter vu allne Lyt, wu z Frankryych uf d Wält chuu sin oder deert soziaalversiicherigspfliichtig sin, s RNIPP (Répertoire national d'identification des personnes physiques), un isch zueständig fir d Vergoob un Verwaltig vum amtlige Persoonechännzaiche NIR (Numéro d'inscription au répertoire des personnes physiques), in dr Effetligkait chännt mer si as Soziaalversiicherigsnummere.

S INSEE het rund 5400 Lyt,[2] wu in Hauptsach in dr Generaaldiräkzioon am Hauptsitz un im lothringische Metz schaffe.[3][4] S Insee het d Räächtsfoorm vun ere Direction générale vum franzeesische Finanzminischterium.[5]

Weblink ändere

  Commons: INSEE – Sammlig vo Multimediadateie

Fueßnote ändere

  1. Mentions légales et crédits. In: insee.fr. 16. April 2019, archiviert vom Original am 26. Januar 2020; abgruefen am 19. November 2019 (französisch).
  2. Les femmes et les hommes de l'Insee. In: insee.fr. 29. Mai 2019, archiviert vom Original am 14. Februar 2020; abgruefen am 19. November 2019 (französisch).
  3. L’organisation territoriale de l’Insee. In: insee.fr. 16. Juli 2019, archiviert vom Original am 23. Oktober 2019; abgruefen am 24. November 2019 (französisch).
  4. Localisation des établissements de l’Insee. In: insee.fr. 1. März 2018, archiviert vom Original am 23. Oktober 2019; abgruefen am 24. November 2019 (französisch).
  5. Connaître l'Insee. In: insee.fr. 29. Mai 2019, archiviert vom Original am 27. Januar 2020; abgruefen am 19. November 2019 (französisch).