Isaurier

D Isaurier (au Isaurer) si en antike Volksstamm im Süde vo Chläiasie gsi. Iiri Häimet Isaurie isch e Gebirgsland, wo zwüschen em antike Kilikie und Lykaonie lit und e römischi Brovinz, Isauria. In dr Antike si si as Röiber und Chrieger gfürchtet gsi und häi vom spoote 5. Joorhundert in dr oströmische Armee as Soldate Karriere gmacht. Dr Kaiser Leo I. het sä as Geegegwicht zu de gotische Drubbedäil iigsetzt. Wie wichdig die isaurische Drubbe gsi si, gseet mä dra, ass äine vo iire Generääl vom Leo proteschiert und spööter under em Naame Zenon zum Kaiser erhoobe worde isch. Under em Kaiser Anastasios I. si si aber as Machtfaktor usgschaltet worde.

Chläiasie im Alterdum. Isaurie isch öbbe uf em 32. Lengigrad im Süüde vo dr Halbinsle.

Mä sött dä Volksstamm nit zu verwäggsle mit dr syrische Dünastii, wo vom Kaiser Leo III. gründet worde isch und wo vo 717 bis 802 s Byzantinische Riich regiert het. Si wird vilmol und falsch as Isaurischi Dünastii bezäichnet.

Liddratuur

• Hugh Elton: The Nature of the Sixth-century Isaurians. In: Geoffrey Greatrex, Stephen Mitchell (Hrsg.): Ethnicity and culture in Late Antiquity. Duckworth u. a., London 2000, ISBN 0-7156-3043-1, S. 293–307.
• Karl Feld: Barbarische Bürger. Die Isaurier und das Römische Reich. de Gruyter, Berlin u. a. 2005, ISBN 3-11-018899-6 (Millennium-Studien. Bd. 8), (Zugleich: Berlin, Freie Univ., Diss., 2004).

Dä Artikel basiert uff ere fräie Übersetzig vu dere Version vum Artikel „Isaurier“ vu de dütsche Wikipedia. E Liste vu de Autore un Versione isch do z finde.