Italienisches Grundeli

Systematik

Ordnig:	Charpfenartigi (Cypriniformes)
Familie:	Schmerle (Cobitidae)
Underfamilie:	Cobitinae
Gattig:	Cobitis
Art:	Italienisches Grundeli

Wüsseschaftlige Name

Cobitis bilineata

Canestrini, 1886

S Italienische Grundeli (Cobitis bilineata) isch en europäische Süesswasserfisch wo z Italie endemisch isch und au im Tessin vorchunt.

Uussie

S Italienische Grundeli isch e geelbruune Fisch mit eme tüpflete Chopf. De Rugge isch dunkel gfleckt, äänlich wien e Leopard. D Flosse sind dorsichtig. Mandli wered 7 cm, Wiibli 10 cm grooss.

Verbraitig

S Italienische Grundeli isch im Iizugspiet vom Po endemisch und chunt z Italie, im Tessin und z Slowenie vor. Es mag Standgwässer und Flüüssgwässer, wo fast kai Ströömig hend und e chiisige Grund und wo au Wasserpflanze wachset.

Lebeswiis

S Italienische Grundeli laicht vom Aprile bis Augste zwöschet Wasserpflanze. Italienischi Grundeli wered im zwaite Joor gschlechtsriiff und chönd vier Joor alt were.

Büecher

Maurice Kottelat: European Freshwater Fishes; Cornol 2007. ISBN 978-2-8399-0298-4